Press "Enter" to skip to content

Zeiruang Dah Biakinn Nan Sak Ti Ruangah Khrihfa Mi Hna Hrem Le Vuak An Tong Hoi

Khuata pakhat i Pathian thangtthatnak Biak-inn a satu khuami hna cu palek le ralkap le zumlo tu mipi hna nih fak tak tak in an vuak hna i an hrem hna. Khuafate Pastor hmanh lahkhah a pe kho lomi khrihfa bu hna nih Pathian thangtthatnak ah an ti khawh tawk tein an i zuam i Biakinn an sak. Asinain zumlo tu mipi le palek ralkap hna nih ngol zawk uh an ti hna i fak tak tak in an vuak hna i nu he pa he an hrem hna ti a si.

Hi thil hi Pakistan khua Arifwala peng i Chak an timi khuafa te ah a cangmi a si. An khua bawi Punjap pawl hna nih i sak ve ko uh an ti hna nain muslim mibu le hriam tlai palek ralkap hna nih an va kal hnawh hna i biakinn an saknak ah cun an vuak hna. An sak ciaomi zong an tthehpiak dih hna ti a si. Cu lawng si lo nu he pahe an thi an chuak hna ti a si.

Biakinn satu lehtama pakhat nih a chim ning ah “biakinn cu ka sa cuahmah cu lio ah an rak ra i ngol zawk, biakinn nan sak hi kan in sianh ttung hna lo, cu pin ah biakinn chung i nan i pumh le thla nan cam ahhin hna nan kan hnawh tuk kan celh lo tiah an ka ti” tiah a ti. Pakistan khrihfa hna hi cozah le mibu hna hnahnawhnak le hremnak le khamnak hna ruangah kum 20 leng biakinn zong an sa ngam ti lo ti a si.

Naseer an timi khrihfa hna hruaitu pakhat nih a chim ningah “muslim hna nih hin biakinn sak cu chim lo kanmah umnak innsak hmanh hi an kan sianh tuk lo tiah a chim. Jesuh kong kan chim ah hin an hnak feichunh bang an thin a lin i thah an kan duh colh tiah Pakistan khrihfa hna nih an chim. Tutan biakinn sak an timhnak khuate ahhin khrihfa chungkhar in 50 (family in 50) an um ti a si. Anmah an neih ciami ram le thilri hna cu an hlut i a tu bantuk in biakinn sak an timh hi a si. Tutan an vuak hna le an hrem hna pinah an sak ciami an biakinn zong an ttheh tthan i hi hnu voikhat sak an timh tthan ahcun an khua ningpi in an umnak inn le lo vialte khanghpiak nan si lai tiah an ti hna tiah an chim. Christian News

error: Content is available