Press "Enter" to skip to content

Kuakzuuk Ruangah A Chuakmi Zawtnak Ttihnung Phun(10)

Kuakzuuk ruangah hin minung tampi an thi cang. Kuakzuuk hi a zuumi lawng si loin a pawngkam um mi ca zongah ttih a nung tuk. Kuakzuuk nak nih nih zeiban tuk zawtnak dah a chuah ter timi hi rak thei ve. Kuakzuu mi na si ahcun kuak nih an thahkhawh timi hi thei peng.

 

1. Cuap Cancer (lung cancer)

Zeidang cancer nak in cuap cancer hi an tam bik.Cuap cancer (lung cancer) hi kuakzuuk ruangbik ah a chuakmi a si.Cuap cancer ruangah a thimi hi 85% peng an si. Minung 5 ah 1 hi kuakzuuk ruangah an thi lengmang.

 

2. Thawchuahnak Lam Zatnak (COPD)

Thawchuahnak lam zawtnak COPD (Chronic obstructive pulmonary diseases) timi hi ttihnung taktak mi zawtnak phunkhat asi. Minung tampi zong tuan tein a thih ter tawn hna.COPD zawtnak a neimi 100 ah 80 hi kuak an zuuk ruangah asi. USA i a thimi tambik a ruangbik pa 4 nak cu COPD zawtnak hi asi.

3. Lung Zawtnak ( Heart Disease)

Kuakzuuk cu kan chungthilri caah a ttha lo dih, a bik in kan hnalung caah hin ttih a nung khun. Zeiruang ah tiahcun kan thikalnak (artery) kha a bit ter i thli kan dawpmi oxygen kha tlawm ter. Cu ruang ahcun lung tha kha a zor i lung zawtnak a chuah ter tawn.

4.  Lephiat Zawtnak ( Stroke)

Kuakzuuk nak nih hin lephiat zawtnak a chuah ter ve khawh. Artery thapi thari kha a phih i oxygen kha kan thluak ah a pek khawh lo caah lephiat a chuak i an thi tawn.

5. Asthma Zawtnak (Asthma)

Asrhma zawtnak hi caansau cuap tthat lo ruangah a rak chuakmi asi. Cuap a tthat lo ruang ah thawchuah le thawdawp hi a har tawn.

6. Naupawi A Har

Kuakzuuk nak nih nau pawi a har ter. Kuak a zuu mi nu cu nu ci (egg) kha a nung kho lo.

 

7.Tlamtling Lo In Nau Neih

Kuak a zu mi nu cu naupawi a har pinah nau an neih tik zongah tlamtling lo in le weight tlawm tuk lawngbin an neih tawn.

8. Zuunthlum Zawtnak (Diabetes)

Kuak zumi na si ahcun zunthlum zawtnak neihnak dingah na chance a tam khun. Kuak  a zumi cu a zu lomi nak in 30-40% zunthlum zawtnak an nei deuh.

 

9. Mit Cawt, le Tit A Zor Ter

Kuak zuuk nak nih hin mit a cawt ter khawh. Na mit a hrawh lai i na khawh hmuh a fiang lai lo.Kan titsa le kan thisen a derthlawm ter.

10. A dangdang Cancer ( ril, thin, nauinn, pawpi le rilte cancer tbk,.)

Kuakzuuk ruangah hin cancer tampi a chuah ter khawh. Ril, pawpi le thin cancer tbk,. pawl hi tam deuh  cu kuak zuuk ruangah hin a si theu tawn.

Kuak zumi na si ahcun na makbak a hau ko lai. A caan tlai timi a um lo. Atu bak ah hin ma ko, a thlai rih lo.

error: Content is available