Copa America bawlung puai cu tlamtling tein an dih ve cang. Brazil ram ah tuah a si i, An mah Brazil tthiamtthiam nih champion an lak. Final puai ah Brazil le Peru hna cu an i tong i, Brazil nih tei hna.
Argentina zong Brazil he Simi-final an an i tong i, Brazil nih (2-0) bakin an tei hna caah Argentina zong final an phan kho ve lo. Argentina cu pathumnak laksawng tu an hmuh ve. Argentina forward a simi minthang Messi cu pathumnak cuh lio ah red card a hmuh bantukin, vawlei cung mipi soisel nak cu a dai kho ruam lo.
Lionel Messi hi Barcelona caahcun Champions league zongah champion voi tampi a lakpi cang hna. Asinain ram caahcun zeibantuk laksawng hmanh a lakpi kho rih hna lo. Cu pinah Copa America bawlung puai i a thiambik mi hna minung (11) cazin zongah aa tel fawn lo. Cu caahcun vawlei cung pumpululh chuih thiambik ti khawh a si ti lai maw tiin soisel nak a tong len cang.
Source: Forsport Asia
