Press "Enter" to skip to content

Ttihzah Awk A Tlakmi ‘Nu’ Na Si Khawhnak Dingah Hi Thil Phun (15) Hi Na Theih A Herh

1.) Na muisam aa dawh lo tuk zongah a pawi lo…Asinain na taksa le na pumrua ah naa lungsak khawh a biapi.

2.) Naa dawhnak sinah theihnak aa fonh chih a hau. Cu lawngah dawhnak tlamtling a chuak kho.

 

3.) Nu ka si ko tiin lungput derthawm cu a si kho lo, nu ruahnak siloin minung ruahnak in na nung lai. A herhnak ah na ngamh lai, na tthawng fawn lai.

4.) Thluak in tuakmi le thinlung nih a duhmi thleidan thiam a hau. Cu lawng cun vawlei nih a chuahpi mi harnak tbk dohzia na thiam lai.

 

5.) A man fak taktak mi makeup pawl kha hmang hna hmanh law,..chikhat ca lawng an si kha thei..Thinlung tthat le ziaza tthat tu kha a zungzal ca i idawhnak hramthok an si deuh.

6.) A caan caan ahcun zeihmanh a thei lo bantukin i umter ko. Ttihzah awk a tlak taktak mi nu pawl nihcun a caan ahcun zeihmanh a thei lo bantukin an umter tawn.

7.) Na lung a rawk caan le na thin a hung tikah na hmaipi ichiat hlah…Voikhat na mirh mi hi aa dawh tukmi holh phunkhat a si ve.

 

8.) Huat tukmi na nei ko lai,.cu ve bantukin an huat khawh ve ko, a hohmanh va neek hna hlah. Nangzong mi zapi duhmi cu na si ve theng lai lo.

9.) Mah le thazaang te, aa bochan kho dingin um khawh izuam. Phaisa kong zongah siseh, harnak na ton caan zongah siseh,.mah le ke tein dir khomi si izuam zungzal.

 

10). Na ruah dingmi cu zeibantuk nu poh hi ” aa thleng khomi an si” tihi asi.

11.) Naa manh caan ah ca rel. Carelnak in thazaang la law, hmailei ah an vengtu a si lai.

12.) Fa neih tik lawng i nu le pa dawtnak a theimi si hlah. Na pawng te i an um lioah dawt khawh izuam hna. An dawtnak thei.

 

13.) Thinlung tthami si izuam, na dawtnak innka kau piin awng. Mi hnahchuahnak na ngeihmi zorter. Zuamnak thinlung tu karh ter.

14.) A ka dawt tiah na ruahmi nih an kaltak tikah hnangam tein um khawh izuam. A taangmi caan cu a mah rian a si cang ko. Nuam tein um khawh tu kha kan mah rian a si cang.

15.) Na thiam sangnak tangah i uah zia thiam a hauh bantukin thinlung a thiangmi tangah thinlung put thiam a hau ve. Cu lawgah cun tttihzah awk a tlak taktak mi nu (woman) si khawh a si.

Crd: CNA (Celenews)

 

 

 

error: Content is protected !!