Press "Enter" to skip to content

Cuap Chungah Aa Khongmi Thurhlawm Thianter Tthan Ning Phun (5)

Nifate kan um kan kalnak le kan tlonlennak ah thlichung in kan dopmi nih cuap tampi a rak thurhnawmter khawh. Thli thurhnawmmi ruang le kuak khu ruang i cuap a thurhnawm mi kha a tanglei bantuk in thenh hna usih.

 

1. Thawdawp Exercise Tuah

Cuap chung i a thurhnawm mi thenhnak ding lamttha bik cu thawdawp exercise tuah hi asi. Zingka ah tuan tein thawh i thlithiang te he exercise tuah khawh asi. Thlithiang a umnak hmun ah dir law na thaw faak piin dawp cun chuah tthan. Duhsah tein tuah a hau. Cun na hnarkua khatlei kha na kut in phit law thli kha dawp. Cu ticun rhleng lengmang. Cu ti tuah ahcun cuap chungah oxygen kha ttha tein a lut kho i cuap thurhnawm kha a thian ter.

2. Ih Ning Pungsan Thleng

Ih tikah chantling a sang tukmi zong a ttha lo, a niam tukmi zing a ttha fawn lo. A zatawk tein ih a hau.15 degree tiang hi a ttha bik. A ruang cu thikal ning a tthat caah cuap chungah khan oxygen ttha tein a lut kho.

3. Khuh (cough)

 

Zawt ruang i khuh siloin khuh hram hi a rak ttha tuk. Khuh nak nihhin cuap chung i thi umtu ning kha a tthat ter i oxygen a rianttuannak a ttha deuh.

4. Banrek Hmet

Thawdawpnak ah fahnak or harnak a um asiahcun banrek hmehnak nih tampi a dam ter. Banrek zawnte kha khatlei kut in thapi zawnte ahkhan minute (3) hrawngin hmeh i thlah tthan. Cu ti tuahnak nihcun cuap zong a thianter deuh.

 

5. Thli Thurhnawm Umnak Kha Hrial

Thli thurhnawm umnak kha asikhawh chungin hrial khawh izuam. Nangzong kuakzuuk lo izuam. Cun kuak zuumi pawngah um hlah.

error: Content is protected !!