Press "Enter" to skip to content

A Tha Bikmi Ngeihthiam Hal Ning

Palhnak na tuah tikah lungawi tein cohlan ko.Minung cu palhnak he kan i tthen kho lo.Aho poh nih palhnak cu tuah dih cio a si ko.Na dawtmi, na hawikom ttha le cungah palhnak na tuah tik ah pakhat le pakhat i huatnak a chuahter theu lai.Cu tik ah palhnak kan tuahmi cungah cohlan i ngeihthiamhal ” ka ngaithiam” sorry” tiah lungtak tein chim ngam a hau. Ka ngaithiam” timi bia nih hin ihuatnak a dam ter.Lungremnak a chuahter.Asinain ngeihthiam kan hal hna tikah lungtak tein chim le hal cu a hau ve.Zeitindah kan dawtmi hna le cungah ngeihthiam kan hal hna lai timi ruahchan in a tanglei ah tlawmpal te ka rak ttial, rak relve law na nunnak ah tlawmpal cu an bomh ve lai ka zumh ko.

 

Biachim na duhmi kha ca in ttial: Email,Ph tbk..in ca i kuat hi tuchan ahcun phundang in ruahawk a ttha ti lo.Kan dawtmi hna caah tiin caan tampi hi a hohmanh nih pek khawh zungzal asi lo.Cucaahcun ngaihthiamhal na duhmi te kha ca in ttial law ngeihthiam na hal khawh. Minung pakhat khat cungah “ka ngaithiam” timi biachim a hauhcang a siahcun na thinlung tak tein ,imawhphurh bu tein  ttialkawh ahcun a ttha bik.Asinain Na dawtmi nih na ca a rel tikah a thinlung a kheng khawhnak ding le a nawmh, amirh khawhnak ding ca tawmpal telhchih kha philh hlah.

 

 

Laksawng Kua:Ngeihthiam na hal dihhnu ah laksawng pakhat khat kuat hi a ttha.Mah ti asiahcun ngeihthaim kan halnak hna kha sullam a nei lai.Laksawng na thim tikah na duhmi, na lungchung ah a um pei zeibantuk poh kha na thim khawh dih ko.Asinain pangpar dawh tete le Chocolate tbk..pawl hi cu zeitikhmanh ah a tthingkho lomi an si ticu na theih ko lai.” I am Sorry” ti ca aa ttialmi Teddy Bear a lem te zongkhi na dawtmi lung a tlingter hrimhrim lai ka zumh.Laksawng thim tikah i ralring dingmi thil cu; laksawng na thimmi kha a sullam neimi te le ruahnak a chuahter kho tu pawl thim khi philh lo ding.

 

Hmunkhat ah Hnangam tein Zaanriah Eitti uh:Acunglei pawllawng zongnih hin tlam a tling ter rih lai lo.Cucaahcun na dawtmi kha zaanriah eitti sawm.Pakhat le pakhat nan i huatnak, nan i remlonak free tein bia i ceihkhawhnak dingah hnumkhat te ah zaanriah eitti in bia i ruahtti uh ” tiah ruahnak tawmpal te cheuh kan duh.Asinain mah lio ahkhan caanttha la in duhmi poh chim lo ah a ttha.Inn zongah siseh, aleng Restaurant dawr i na ei tti lio ah a hlan i na rak eitti tonnak restaurants pawlkong kha ruattti uh.Thinlung thar a chuatertu zong a si kho men.

 

Khualtlawn Tti Uh: Khualtlawn titik ah hin thukpi in ruah a hau lem lo.Aneinak bik zong asiah or hmunkhat tein lengchuah tti khi chimduhmi asi.Hmunkhat khualtlawntti naknih tthatlonak a hmuhmi pawlkha a zorter lawng siloin nangmah zong , na dawtmi zong thazaangthar le thinlung thar an pek hna lai.Cucaah cun khualtlawn nak nih na dawtmi thinghunnak kha a zorter hrimhrim ko lai.

 

Aherh Asiahcun Na Nunning kha Ithleng:Kan thinlungput, kan sining nih kan dawtmi hna lung a lawmhter lo asiahcun mah kan sining kha i thlen a hau lai.Nan karlak ah tlamtlinglonak a chuahter asiahcun na sining kha i thleng ko.Asinain sualnak neilomi le Pa/Nu kan sinak a chiatter tu asiding asiahcun i thlen a hau lem lo.Asinain na dawtmi cungah zeitluk in dah na dawtve , a caah zeitin dah kaa thlen lai, ka sining thlen taktak a hau maw? timi biahalnak cu nangmah tein na theih ko lai.

by Pa Cem

You must login to post.

error: Content is available