Press "Enter" to skip to content

Nang Kan Ton Hnu In Tha Tein Kai Fiang

Chan tiluan dawi zong si lem loin Fb cu ka hmang i kumkhat a si hnu ah Friends request ka hmuh. Ka mitkutuk lio si nain vanmi hi Fb maw a hman ve hnga ka ti i lung lawmhnak he ka confirm.

 

 

Can rauh hlan ah ka Tta ka friend request na ka coclan i ka lawmtuk muh tiah hninghno nawn in a ca cu ka rel. Kei nih bo nawn in poi lo e ngah ko Lainu le Laipa pei kan si cu a ka ti. Ka lungchung cun lawmnak thlam timi rumro ka hnathlam ah cuang nan Jesuh ti ai tel le a mah ruah bu cun ka sa ngam loh!

 

 

Hawikom kan si kho hnga maw a van ti, zawk zawk in a timeline ka zoh/check cu ngo hir hiar, var hirhiar a mit te nih tthuro mi bang pum lingleng. Aw ngah e tiah ka van i bultan terpah nain Dl a ngei hnga maw aw ka hei ti pah chap.Ka tta nai dawhtuk e tiah ca a vun ka kuat, mah cu ca ka rel cu kai lawmtuknak ah ka ihnak tuangin ka tla cio ma lau. Single na si ti mw? a van ka ti, single cu chim hlah ka pa zong a single ve rih tiah a si ning bak in ka hei leh! Ka pa he u nau ah a kan ruah bak la.

 

 

Aw kan sualnak aa khattuk cu ta a vun ka ti, a chimduhmi cu a lawng ve ve mi kan ti tinak si rua. Ka lungchung in aw a tu pei Adam nih ka chim ding a a rak ka chim kanhmi cu a tling cang ko hi ka ti ” ka ruh in lakmi ruh ka sa in lakmi sa” ti mi kha Bible ah cun a umnak kai fiang ruam loh.

Bia tampi a chim hlan ah valcang (vaalttul) kan ti cu a thli in fawituk in ka duh colh. Nazi cheu hlan ah ka ngai, cu chin chap ah ka hla chuahmi nih a bawmh Ngun Ceu Cung ve zong nih cun nang kan tawn hnu timi hla in a vun hlawi pi.

 

 

Saduh ka thahmi cu hmai tonh tein bia i ruah i duhdawtnak biathli phaipi ka duh. Cu lio ah video call ngah lai mw a ka ti. Maw ka thin vanmi he video i call cu thihthlak tal ah si lai ka ti i ka thin cu a tur ngamsam. cikhat te ka vun ti.

Ka sam design ka remh ka rem le rem tak tak in thudenh cung ah ka tthu. Okay ngah cang ka vun ti. A voikhatnak mui i hmuh ding cu ka thinhi hlan lio CJC khuangtum bantuk khan a rang, thlarau hlah maw ai phuang tiah Thlarau cu pakhat long a um fawn.

 

 

Video call cu a vun ka call tak tak cang ko, thintur bu tein le thir lengmang in ka tleih. Hi a van ka ti ka zoh le ka phone hlah maw ttha lo maktluk ttihnung cu a rak cuah hnga ka ti. Ka mit kai hnuai tha tein ka zoh cu Laimei thal lo cun kah ngam ding phun a si ti loh.

Lungtur zawtnak neih cu ka duh ve loh le line chiatuk e hawinu ka ti, ka lungthli cun zaan tlai hnu ah mithla nih a ka tthih ka ti phah.

Kai lungsak kho hrim lo i a Timeline cu tha tein ka zoh than. A mui ka hmuh hlan Fb profile le video call ai dantuk cang ahcun ka mawh ve loh! Duh dawtnak phunphai in ka thinturmi kha cikhat lo te ah ka vanmi te ka hmuh bak cun ning ttih phun in ka thin a tur ning cang ai thleng.

Ngun Ceu cung nih kan ton hnu in a timi le kei nih kan ton hnu in ka ti mi cu kan fian ning hi UPC le Trinity bantuk an si ko. An i dang ngai ngai la ti bia.

Kan ton hnu in kai fiantukmi cu a Fb ah mi hmanthlak ai dawhtuk mi ai tar, a mah cu mi hlen hmang a si ti hi tha tein kai fiang. Ka zoh ah a ttih zong ka ttihtuk zaan tlai chin chap. Ka lautuk ruangah ka ke ka solh i kai hlau phah. Maw khuazing ka ton lo zongah khan bantuk reru vanmi sin cun ka khamh ko sawh ka ti.

 

Ka mang si ti ka thei ko nain ka ruah poh ah ka lau. Online vanmi ka tonhnu cun Fb in muidawh mihlenthiam kan tamtuk hi ttha tein kai fiang. Kei mah hmantlak ka zoh hrimhin Fb muidawh cu zumh lo ding an si zong kai fiang chap!

By- Ronald Aung Aung

error: Content is available