Nai te ahkhan India ram ah mipa pakhat nih tthirkhenh (116) bak a dolh i a thi lo. Mah pa hi mi tlamtling lo phun a si tiah theih asi fawn.
Hipa hi a min ah Bhola Shankar ti asi i kum (43) asi cang. Mi tlamtling lo asi bangin a chungkhar theih loin tthirkhenh pawl cu a rak lemh thluahmah hna.
Tthirkhenh (116) a dolh hnu ahcun a paw a fah tuk caah a chungkhar le nihcun siizung ah an va piah. Cu tikah siibawi te nihcun x-ray hman an thlal i a pawpi ahcun tthirkhenh cu an hmuh tikah an khuaruah a har dih.
Cu tikah mah pa cu a pawfah a celh ti lo i a aulhuang len cang. Cun siibawi te zongnih operation an tuah cawlh ve. Operation an tuah tikah a pawpi chung ahhin thirkhenh lawng siloin wire hri tbk pawl zong an chuah chih len. Asinain mah pa hi vantthat ah a nunnak cu a liam lo.Dailymail
