Press "Enter" to skip to content

Maylasia Um Chinmi Caah Chin Refugee Committee Nih Ralrin Peknak Ca A Chuah

Malaysia ram ahhin Chin mi hi tamtuk kan um rih. Cu lakahcun Malaysia cozah nih chinmi an tleikhih mi hna zong an tam. Cu caahcun Chin Refugee Committee nih a tanglei bantukin ralrin peknak ca a chuah.

Ralrin Peknak
——————-
Malaysia a um mi Chin Ralzaam hna, Malaysia kan umtik ah kan pawcawmnak ah rian tuannak nawl kan ngaih lo bu in rian tuan lo in um awk atha mi kan si cio lo cu zapi theih kan si. Cu caah aho paoh asi khawh cionak in rian tuan mi kan si. Rian kan tuan cio tik ah, kan tuan mi hi zei ban tuk rian dah asi ttih anung mi ma asi anung lo mi ti hi kan tuak tan cio hi a herh ngai ngai mi asi.

 

Tu nai kar hrawng ah Shopping Mall ah atuan mi pawl kan unau pawl tlaihkhih an tong ngai ngai, aruang cu an tuannak dawr hi License a ngai lo mi asi lo ah an zuar mi thil hi attuh/adeu (Brand Deu) mi an si caah Ministry Od Domestic Trade and Consumer Affairs nih tlaihkhihnak a tuah cuah mah. An tlaih mi hna chung ah Lai mi zong tam nawn kan ital cang. Ahlei in San Peng aum mi Shopping Mall ah tlaihkhih a tam khun tiah thawng kan theih. Asinatein ka dang dang Shopping Mall le dawr dang ah a tuan mi zong ralring deuh in kan um khawhnak hnga thawng kan in thanh hna.

 

Cu caah nan tuannak cio kha phung ning te in tuah mi dawr ma asi kan zuar mi ah Brand adeu/attuh hna an si maw ti zong rak ifian hnu ah tuan ah a tha. Ralrin te in um ko hnu ah tlaihkhih ton sual ah cun atha bik mi cu full time in ka tuan lo Part-time lawng in ka tuan ti ah ti hna i, CRC ah arannak in thawng thanh kan izuam hna lai.

Siang herhnak he nan riantuan ti hawi,
CRC

error: Content is available