Press "Enter" to skip to content

Kum(10) Hngakchia Te Nih A Eiding Changreu Man Khawn In A Nu Diamond Zungbunh A CawkPiak

Vawlei cungah hin Nu le hi temh innak a tuar bik le zeizong vialte ah khua a ruat bikmi an si. Fa le an zohnak hna le kan fa le an sual lai ti phan in ni fatin te cawnpiak lengmang tu cu Nu le hi an rak si ko.Cu tikah fa le nih Nu le cungah dawtnak an neih ve asiahcun a nuammi innchungkhar pakhat ah aa cang tawn.

 

Hngakchia tamdeuh tu cu ei awk cawnnak zeitin dah kan ngah lai, zei tin dah kan ei khawh lai timi le letecelhnak ding lawng te khuakhang mi an um ve. China ram i mah hngakchia pate hi cu midang hngakchia he aa lo ruam lo.

 

A luancia mi Feb thla tiluk kumthar puai ahkhan mah hngakchia pate nih hin a Nu cu Diamond zungbunh cawkpiak a timhnak kong cu tiluk ramchung ah a hung laar taktak. China news pakhat zongnih conglomhnak ca a ttial. Mah hngakchia pa nihhin $ 1200 leng aa khawn i a Nu caah diamond zungbunh cu cawkpiak a timh hi a si.

 

Hngakchia pate nih a Nu cu Tiananmen Store pi ah a kalpi i a Nu kha diamond zungbunh cu a thim ter. A Nu nihcun capo sawhsawh nakah a ruah i ai bunh dih in lengah chuah ai tim tthan, asinain hngakchia te cu a Nu ttaang cungah a mitthli he a vun ttah cun a Nu nihkhan cawkpiak taktak a ka timh timi kha a vun theih. Asinain a Nu nihcun phaisa kha i khon deuh rih seh ti a duh caah $ 7000 tluk kha a piah i mah zat na neih i ka duh, zungbunh cu ka cawkpiak rih hlah tiah a ti i mah ticun a fapa cu a ngeihthlem khawh tthan.

Sianginn a kainak ah a hawi le i an Nu le cu diamond zungbunh lawng theng aa bunhmi an si i mah hngakchia pa tenih hin ka Nu a hmaichia sual lai ti a phan caah a eiawk hmanh ei loin phaisa cu aa khawn i a Nu kha Diamond zungbunh cawkpiak a timhnak hi asi.

 

Mah bantuk thinlung a neih khawhmi hi China social media nihcun an uar taktak. Mah hna pahnih Nufa hna nun ning hi cu i zohchunh awk tlak ngai asi.

error: Content is available