Press "Enter" to skip to content

Donald Trump Nih Ngaihthiam A Kanhal A Hau Tiah  African Union Nih A Ti

President Trump nih Africa ram pawl a kan nek ning a langhtermi cu khuaruahhar taktak a si, lungrawk tuk a si, ngaihthiam a hal than a hau tiah African Union nih an chim.

Haiti le Africa ram pawl cu ek tluk in a thurhnawmmi ‘shitholes’ an si tiah White House meeting ah a chimmi kong cu Trump fak ngai soisel a tong. African Union lei nih ngaihthiam a kanhal a hau tiah a ti.

President Trump a bia a phuangtu hi Democratic Senator Dick Durbin a si i, meeting kan tuah ah voi tamnawn a chim i ka khua ruah a har tiah a ti.

Media le repoter sin ah a lang ngaimi cu Trump nih a chimmi “Ektluk in a thurhnawmmi ram in ralzaam pawl hi zeiruang ah dah kanlak  hna lai? Norway bantuk in mipem lak ding an si tiah President Trump nih a chim ti a si”.

President Trump nih cun  hi bantuk biafang chiahru hi “Haiti” he pehtlai in ka chim lo tia a leh ve hna. Cun zum hlahg uh tiah a ti rih!

BBC

error: Content is available