Press "Enter" to skip to content

Zuunthlum Zawtnak A Neimi Nih Hma(Injury) Zeitin Dah Kan I Thlop Lai

Mizei hmanh nih kan khawngdeng lai lo, hma kan nei lai lo tiawk a ttha lo. Sihmanhsehlaw zuunthlum zawtnak a neimi caah cun a hmete mi hma( khawndennak) kan neih asiahcun ttihnung taktak mi HMA ah aa cang kho.Zunthlum zawtnak a neimi cu an hma dam a har i cheukhat cu an hma zong a dam kho ti tawn lo.

 

Hma ah zawtnakhrik ( bacteria) hna a luh i tissue, ruh le kan takpum chung organ tiang a phanh asiahcun ttih a hung nung tuk cang.

Hma Zeiruang Ah Dah A Dam Khawh Lo

Zuunthlum zawtnak a neimi cu an thisen ah a thlummi (glucose) a tam tuk caah taksa nih ttha tein  control a tuah kho ti lo. Cu ruangah thisen chung i a thlumi (glucose) det a tam tuk tikah thiraang (white blood cells) rian ttuannak kha a hrawh i zawtnakhrik (bacteria) kha ttha tein a do kho ti lo.

Zuunthlum zawtnak kha ttha tein kan i thlop (control) lo asiahcun thikal ning (blood circulation) a ttha kho ti lo. Thi um kalning a tthat lo asiahcun thisen (red blood cells) rian ttuannak a derthlawm ve i protein det kha HMA zawnah ttha tein rian a ttuan kho ve ti lo. Cu ruangah cun hma dam kha a har deuh tawn.

 

 

Cu ruangah cun zuunthlum zawtnak na neih asiahcun i khawn dennak in i ralring cu pinah hma a fami te na neih asi zongah i daithlanh hlah

 

Zuunthlum Zawtnak A Neimi Nih I Ialrin Awk

***********************************

A bik in ke ah hma umlo nakhngavi rilrin ding.

Na ke ah hling or thlanglang kuai nih an chunh asiahcun ti hmangin thiangtein i ttawl cawlh. Spirit or Iodine phun hman bak lo ding. Zei ruangah ti ahcun na hma zawn na van kha spirit or iodine nih a ei khawh.

Nai khawnnak zawn kha puan tbk..hmang in faktuk in rek (tuam) hlah.

Kuak zuuk i sum: a ruang cu kuak na zuuk asiahcun ke lei i thi a kalmi (blood circulation) kha ttha tein a kal kho ti lo i ke hma dam a nuar khun.

Na hma a fa te ko nain , asen duk, a thah cun a fahpah asiahcun hrik(bactetia) a lut tinak hmelchunhnak asi caah Clinic or siizung ah nai piah zau a hau.

Zuunthlum zawtnak a neimi kan si ahcun a zohkhenh zia le a thlop zia thiam hna usih.

Zuunthlum a nei rih lomi kan siahcun nifate kan nunnak le kan cawlcanghnak le kan eidin ah i ralring cio hna usih.

error: Content is protected !!