Press "Enter" to skip to content

Zuu Tamtuk Din Ruangah ‘Thin’ A Hrawh Ning

Zuu cu a caan caan te dinnak in zuu tama ah i chuah khawh asi. A hnu ahcun ding loin um khawh lotiang zong a si tawn. Asinain zuu din hi ruah awk ngaingai thil pakhat a si. Zuu hi mak duh loin sautuk kan din, kan rit lengmang ko asiahcun hawikom le chungkhat he irem lonak achuah pinah kan ngamdamnak lei zongah a rak ttha lo tuk hringhran. Abik in kan thin hi a rak hrawh bik khun.

 

1. Zuu Hi Kan Takpum Nih Zeitin Dah A Dawp

Zuu kan din tikah hin kan pawpi le kan ril a phanh hnuh ah kan thahri pi pawl nih a dawp tawn. Pawpi le ril in a rak rami zuu kha kan lung(Heart) a phanh hlan ah kan thin (liver) kha a pal hmasak. Cu ruangah cun kan thin ahhin zuu hi tambik aa khong. Kan thin i cells pawl ahhin zuu hi enzymes pungsan in chemical lei a van i thlen tikah carbondioxide le ti in a rak chuak tawn. Cu hnu ahcun zuun le kan cuap (lungs) ah a rak phan ve.

 

Kan thin nihhin kan eidin mi thil pohpoh hi a sache (အစာေခ်) arial i vitamin le minerals tbk,.a chuah. Cu hnu ah kan pumsa chung vialte ah a kuat tawn. Asinain thin rianttuannak hi a ri a um ve. Research an tuahmi ah hin zuu hi nikhat ah 1 -2 units lawng dinding asi. Nikhat ah hraikhat in hraihnih din khawh asi tinak asi.

 

Khat lei ah zuu tama, le luan lak in a dingmi pawl cu thau nih thin a tuam, thin phin le thin caar tbk,.zawtnak pawl a chuak i a hnu ahcun a zualhma chin lengmang tawn.

  • Thau nih thin a tuam

Kan thin hi thau (fat) nih a tuam tawn. A ruang cu kan thin cells ahkhan thau kha aa khawng caah asi. Zuu laulak in a dinmi ahhin hmuh khun an si. Asinain zuudin kha mak asiahcun a dam than zau tawn. Asinain ngol loin pehtlai tein din lengmang asiahcun thin phin tiang a chuak kho. Zuu ruang i thinphin hi cu ttih nungtuk mi asi rih lo nain a hnu ahcun ttihnung ah aa chuah kho vemi asi.

Azual tuk rih lomi cu fahnak zeihmanh theih asi rih lo nain kan thi check up kan tuah asiahcun theih khawh tthiamtthiam asi ve. Enzymes timi nih rian ttha tein a ttuan khawh tilo kha thi i check hnu lawngah theih khawh asi.Mi cheukhat cu an zawtnak an i daithlanh tawn i caan a sauh deuh asiahcun thin cells kha aa hrawk chin lengmang caah a donghnak ahcun thin caar zawtnak ah aa chuah tawn.

 

  • Thin Caar (Hepatitis)

Thin caar timi cu kan thin i fibres tissues timi kha aa thleng hnu in rian attuan khawh tilo kha asi. Cells a mah tein aa sersiam tawnmi kha fibers tissues atam chin lengmang asiahcun cells kha aa sersiam kho ti lo. Caan a van rauh deuh ahcun thin nih tlamtling in rian a ttuan kho ti lo. Fibers tissues nihkhan kan thin thi kal ning kha a hman ter kho ti lo. Cells tawmpal aa hrawh ruang ahhin minung hi fahnak an kan pe rih lo asinain cells kha tam deuh aa hrawh asiahcun fibers tissues timi kha a tam chin lengmang ve. Cu caah duhsah tein thin kha a hun phin i a donghnak ahcun thin caar ah aa chuah tawn. Thin caar ruang in a rak chuakmi ttihnung bik cu thin cancer hi asi.

Thin caar timi hi virus, cikor le thil dang ruang zongah asi kho. Asinain tamdeuh cu zuu din ruangah hin asi i kum (10) leng a ding cangmi deuh ah hin hmuh an si.

 

  •  I Thop Ning le I Khamh Ning

Zuu din ngol bak a hau. Cu pinah a vitamin mi eidin ei piak a hau. Cozah sii zongin i thlop khawh asi. Thin nih rian a ttuan khawh tilo asiahcun i thlop ning lam pakhat lawng a um cucu thin a dang i thlen ( အစားထုိး) in i thlop ning hi asi.

I khamh ning ahcun na umtu ning a hman tilo asiahcun zuu din kha ngol ko. Asi loah tlawm tein ding. A ri khiak law luan lak in ding ti hlah. Nikhat ah hrai nih hrawg dinpiak cu Research tuahmi pawl nih a poi tuk ah an chia lem lo.

Asinain luan lak in ding bak hlah. In lem hlah seh, na thin kha daw law na ngan a dam lai i cansau pi na nung ko lai.

 

Photo : Google

 

error: Content is protected !!