Press "Enter" to skip to content

Na Kaa (Thaw) Rim Chiami Nih A Langhtermi Na Ngandamnak Kong

Na kaa, na thaw rim  a chiat (a nam) asiahcun na tlawnlennak kip ah na umkhua zong a nuamlo kho men. Na kaa haw a chiatnak cu na eidin le nai thenhhlimnak he zong aa pehtlai khomi a si. Asinain na ngandam lonak he zong aa pehtlai khomi asi tthiam tthiam. Mah capar hi rak rel law na kaa haw a chiatnak a ruangnih a piahmi na ngandam lonak a ruang cu na theih ko lai.

 

1.Thawchuahnak Lam Zawtnak Ruangah ( Respiratory Infection) 

 

Mikip nih kan ton ciomi hromfah zawtnak (respiratory infection) nih hin kan kaa rim a chiat ter tawn. eg: kiktleih le cumpit te hna hi zawtnak hrik (bacteria) ruangah an si tawn. Kan thawchuahnak lam ah mah kan hnap le kan khak a luan lengmang caah kan kaa, kan thaw rim hi  a chiakhun tawn.

2.Dangfir A Ro Ruangah

Dangfir a ro a car asiahcun cil chuanternak gland kha ttha tein rian a ttuan kho tilo i kan kaa kan thaw rim hi a chia tawn.Cil chuahternak (salaivary gland) nih hin kan cil hi asining tein a chuahter.

3.Thithlum Zunthlum Zawtnak Ruangah

Na kaa, na thaw rim in thingthei haw bak a rak chuah asiahcun thithlum, zungthlum zawtnak kha a piah tinak asi ko.Na kaa rim in theitlai haw a chuah asiahcun ketoacidosis an timi kan thi chungah a thlummi det a tam tinak asi ko.

4.Thin Le Kal Atthat Lo Ruangah

Kal le Thin a tthat lo asiahcun na zeidang zongnih a piah kho men.Asinain na kaa rim zongin theih tthiamtthiam khawh asi. Thin le Kal a tthat lo asiahcun na thaw rim zong a chia peng ko lai.Kal a tthat lo asiahcun kan takpum chung i thurhnawm vialte kha kan cuap ah a kuat i kan thawrim a chia khun tawn.

5.Cuap Cancer( Lung Cancer)

Chemical hmang in cuap zawtnak hi chemical le kan thaw rim bak in cuap phin sawhsawh le cuap cancer hi an thleidan khawh cang.Cuap cancer asiahcun cuap in thli kan chuah tik ah a haw a ttha kho ti lo. Kan kaa rim, kan thaw rim a chia peng cang.

 

 

error: Content is available