Press "Enter" to skip to content

Premier League Kum (10) Chungah A Ttha Bikmi Team ( Team Of The Decade) Caah Man City Le Chelsea Player Hna Nih Hmunhma An Lak Dih Ngawt

Vawlei cung bawlung leiah minthang a simi Goal.com media pakhat nihcun Premier League puai a hnubik kum (10) chungah an umnak hmunhna cio in a thiam bikmi player hna cu a rak tarlangh tthan. Cu tikah Man City players hna le Chelsea players hna an tambik.

GK: Devid de Gea

 

PFA kumkhat chungah a tthabik mi team thimnak ahcun voi (5) aa tel cang bantukin, Man U ah a thiam bikmi player laksawng zong voi (4) a lak khawh cang.

RB: Pablo Zabaleta

 

Zabaleta zonghi orhlei defend ahcun a ttha bakmi a si ve. Thabat a thei lomi a lo. Hmaikal tiangin a bomh khawh zungzal hna. Cu pinah hnukirĀ  tlolh bal fawn lo. Man City fans hna zongnih an i bochan taktakmi a si ve.

LB: Cesar Azpilicueta

 

Azpilicueta zonghi kehlei,orhlei le a lai defend tiangin hmunhma a la khomi a si ve. Cu pinah defend a tthat bantukin goal zong tampi a khamh khawh cang. A tu ahcun Captain pakhat zong a hung si ve cang.

CB: Kompany

 

Manchester City lawng siloin, Premier League ah hnukham a ttha bikmi player pakhat a si ve. PFA kumkhat chungah a ttha bikmi team thimnak zongah voi (3) aa tel kho ve cang.

CB: Van Dijk

 

Liverpool FC zonghi Van Dijk a phanh hnu in tampi aa thleng ve. Liverpool a phanh hnu ahhin Liverpool defend lei cu a daidam taktak. Cu pinah team players pawl hna zong an ke an i rual kho ngaingai.

CM: N’Golo Kante

 

Kante zongnih hin Chelsea champions sikho dingin tampi a bawmh ve. Cu pinah Kante cu a luan ciami kum (5) chungah vawlei cung Midfielder a thiam bikmi cazin zongah a rak itel ve.

CM: Yaya Toure

 

Yaya Toure zonghi Man City arak tthancho tertu player pakhat asi ve. 2013-2014 Premier League ah goal (20) a rak thun khawh. Hi goal a thun khawhmi hi Midfielder caahcun a fawi bak lomi a si ve.

CM:David Silva

Premier League tuanbia ah a ttha bikmi playmaker hna lakah Silva hi aa tel ve.

FW: Raheem Sterling

 

Kum (2014) lio ahkhan Liverpool nih champions an rak hmuh dengmang ahkhan a rak itel ve. Asinain a tu ahcun Man City a phan ve cang. Kumkhat hnu kumkhat in a thiam chin lengmang ve. A tu ahcun vawlei cung minthang hna level bak a si ve cang.

FW: Sergio Aguero

Aguero zonghi Premier League hmaikal a thiam bikmi player pakhat a si ve. Man City ca zongah hlawhtlinnak tampi a hmuh piak ve cang hna.

FW: Eden Hazard

 

Hazard zonghi Premier League hmaikal ah ttihnung bik pakhat a si ve. Bawlung hlen le dehcawh a thiam bantukin Premier League defenders pawl lungmih tertu player pakhat asi ve. A tu ahcun Real Madrid ah a um ve cang.

Source: Goal.com

error: Content is available