Press "Enter" to skip to content

Ozil Nih Arsenal Ah Um Rih Ding Pungsan In A Chim Caah Arsenal Fans Pawl An Lung A Rawk

Arsenal Team i midfielder Ozil nih a hmailei kong he pehtlai in a chimmi cu Arsenal fans pawl nih duh lonak an langhter len. Kum (30) asi cangmi Jermany bawlung tama Ozil hi tukum cu a thiamnak a tla ngaingai ve cang.

 

Cun Ozil hi Arsenal ahhin hmunhma a hmu kho tuk ti lo, cu tikah soisel nak zong a tong len cang. Asinain Arsenal ahhin contract a neihmi hi kum (2) bak a taang rih. Cu caahcun Ozil nihhin hmailei ah Arsenal i a um rihnak ding kong a chim.

 

Ozil biachim mi pawl cu Arsenal fans cheukhat pawl nih an duh lo i an thin a hung. Ozil nihcun ” Arsenal in hin ka chuah lai kaa zum lo, Aruang cu contract kumhinh ka nei rih. Arsenal i bawlung chuihnak caan ka geih khawh hi lunglawmh awktlak tuk asi. Cun Arsenal ahhin kaa nuam ko” tiah media ah a chim.

 

 

Ozil nih mah bia a chim hnu ahcun, Arsenal fans pakhat nihcun “, Thawngpang ka theihmi vialte lakah hi thawngpang hi a chia bikmi asi” tiah ati. Cun a dang pakhat zongnih ” Ozil hi Arsenal ah umding incun aa tlak ti lo” tiah a ti ve.

Tukum Premier League season ahhin Arsenal caah Ozil hi puai (24) lawng a chuih i goal (5) a thun. Cun assist ah voi (2) a tuahpiak khawh ve hna.

 

error: Content is protected !!