Press "Enter" to skip to content

Messi Nih Penalty Area Lenglei In Goal (100) A Tlinhak Goal Cu Aa Dawh Kho Taktak

Tuthla (6) ahkhan Barcelona le Sevilla hna cu Barca home ah an chuih. Barca nih Sevilla cu 4-0 bakin an tei hna. A tutan puai ahcun Barca leiin a thiami an tling ngai hna. Hi puai ahhin Messi, Saurez, Vidal le Dembele hna nih goal (1) cio an thun hna.

 

Lionel Messi cu hliamhma a tuar caah Laliga puai hramthok lei ahcun a rak itel kho lo. A tu Sevilla he puai hi a voi (3)nak puai a chuih khawh a si. Cu ahcun goal zong a thun khawh cawlh. Minute (78) ahcun Barca nih penalty area lenglei in Free-kick an hmuh.

 

Cu Free-kick an hmuhmi cu Lionel Messi nih rem tein a cakeh leike hmangin a chuih. Messi nih Free-kick a chuihmi cu Sevilla goal bawh (goal keeper) nihcun zeiti hmanh in a kham kho lo. Messi nih dawh taktakin a goalmi cu penalty lenglei in goal (100) a tlinnak zong a si fawn.

 

Lionel Messi hi Barcelona caah puai (692) a chuih cang i goal (604) a thun khawh cang. Penalty area lenglei in goal (100) a thunmi chungah hin free-kick in a goal mi goal (43) aa tel.

error: Content is available