Press "Enter" to skip to content

Man U Pawl Cu Liverpool Nih An Kan Teituk Hnga Maw Tiah Thinphang In An Um Ko

Manchester United hi a tukum season thar ahhin puai (8) an chuih cang nain mark (9) lawng an hmuh rih. Cu caahcun kum (30) chungah puai hramthok leiah result a chiatbik caan a hung si.Man U cu a hnubik Newcastle he puai zongah (1-0) in an rak sung tthiamtthiam.

 

Man U cu International puai a van dih incun Liverpool FC he aa tong ding an si. Hi puai cu Manchester United home ah an chuih te lai. Man U result a chiat tuk lio a si nain, Liverpool tu cu ttihnung lei khi an si hna.

 

Liverpool FC cu puai (8) bak pehtlai tein teinak an hmu. Hmaikal, a lai le hnukham tiangin an irual dih hna. An thiamnak an langhter khawh saling bak a si fawn. Cu caahcun Man U pawl cu Liverpool nih zohchia in an kan tei sual lai tiah an thin lawng a phang ko tiah England media kip nih an langhter.

Nikum ahkhan cun Man U nihhin Liverpool cu an rak tei hna. Asinain a tukum i Man U an dirhmun incun teinak hmuh tthan a fawi ti lai lo. Man U caahcun thinphang a siko.

 

 

Man U coach a simi Solskjaer zonghi Man U he cun a zungzal caah contrast an tuah ko nain, Coach chungin chuah dingmi cazin ah aa tel ve cang. A hnubik Premier League, Man U puai (13) ahhin puai (2) lawng teinak a hmuh khawh rih.

Liverpool FC tucu a hnubik Premier League puai (17) ah puai (17) ningin teinak an hmuh khawh. Puai (16) ahhin puai (1) ah goal (2) tlukin goal an thun khawh rih.

 

error: Content is available