Press "Enter" to skip to content

Evra :Man U Ahhin Pogba Nak Thaim Lo Pawl Hi Thah Cawk Lo An Um

Man U team i captain a rak si balmi Evra nihcun Man U pawlnih Pogba cungah sual phawtnak an tuahmi cu aa tlak lo tiah a ti. Evra nihcun a dang a hawi le pawl an thiam lo tuk ruangah Pogba nih a thiamnak a chuah kho lo, harnak a tong tiah ati.

 

Pogba hi season hramthawk lei ahcun goal zong a thun khawh ngai, cun a thiamnak zong a piah khawh. Asinain season dihlei ahcun a thiamnak a tla bak. Cu pinah a donghnak ahcun Man U zong a result a chia taktak. Champions league zongah an lut kho ti lo,.Europa league lawngah chuihnak nawl an ngei cang.

 

Cu tikah Man U fans pawl le pumpululh leiah thiamsang hna nih Pogba cu an soisel len. Asinain Evra nihcun Pogba cu a rak i chanh ve. Evra nihcun ” Pogba hi Man U ah goal tambik a thun tu a si. Kha bakkhan an palh cang. Pogba hi assist tambik siseh law cu an soisel zongah ka cohlan hnga, asinain goal tambik thun tu pei asi cu.

Khawi, Rashford hi zeitindah kan tuah lai, Lukaku teh, Linguard zong cu tthiamtthiam. Pogba hi cu a thiamnak cu a tla kho deuh men, asinain Man U ahhin Pogba nakin a thiam deuh lomi pawl hi thah cawk lo an um” tiah a chim.

 

2018/2019 season ah Man U goal tambik a thuntu hna hi Pogba (13), Lukaku (13), Martial (10) le Rashford(10) hna hi an si.

error: Content is available