Press "Enter" to skip to content

Boxing Ring Chung Ronaldo Ka Si Lai: Anthony Joshua

Bawlung chuih leiin Cristiano Ronaldo cu vawleicung minthang bik pakhat a si. Title pathum aa tlaih liomi boxing thong thiam bak a simi Anthony Joshua nih cun Ronaldo minthan thluk in ring chungah ka minthang ve lai tiah a phuan.

‘Boxing ring chungah Cristiano Ronaldo ka si lai. Boxing thonghnak ah zohchunmi le tuanbia a tialmi ka si ve lai’ tiah kum 28 pa Joshua nih a chim ve. A chim thanmi cu ‘Ronaldo, Messi, Federer te hna bantuk si ka duh’ a ti.

Boxing thonghnak ah an tei rih lomi a si. BBC nih cun an uar bikmi boxing thongh bik pakhat a si. Thla dongh leiah BBC Sports nih ‘Personality of The Year’ caah an thim lai tiah theih a si.

Anthony Joshua nih a chimmi cu ‘boxing thongh thiam ka si laimi hi ka rak ruat bal lo. Atu cun kaa lawm tuk cang. Tuanbia ka tial cang lai. Bawlung chuih thiam minthang hna bantukin kan minthang cang lai’ tiah a chim. A hmaanmi thil kaa tlaih lengmang lai’ tiah a chim chih. Ref: Daily Mail.

error: Content is protected !!