Press "Enter" to skip to content

Nihchuak Ngai A Simi Pastor 7

NIHCHUAK NGAI A SIMI PASTOR 7

1. Laimi pastor pakhat cu Yangon, Insein ah Bible siangin a tuah. Voikhat cu zarhpini ah phung a chim. A chim lio ahcun a siahngakchia pa pakhat cu a keng a thak tuk i ai huat (ai kheuh). Phungchimtu nihcun a zoh ziar ko. A keng thah cu a dam kho rua lo, atu le atu ai kheuh lengmang. Phungchimtu cu a thin a hang (a hung) tuk cang i dir tuah tiah a ti. Cun, biakin in chuak law na thil i laak law ka siangin in chuak a ti. Keng thah ruangah Baibal siangin in chuah a tong.

 

2. Nepal ram i a ummi pastor pakhat cu 1980s lio ahkhan USA ah Bible siangin a rak kai. A tlun in Japan Pajero motor ai cawk. A umnak khua ah amah lawng Pajero ai cawk kho mi a si. Cucaah Pajero Pastor tiah an auh.

3. Cameroon ram ah pastor pakhat a um. Biakin quarter ah a um. Quarter dum ahcun banhla le rawngtawban tampi a cin hna. A cin mi pawl a thei an hung thlai. Ei an za deuh rih lo. Cuvial ah cunglei headquarter in khua dang ah nai tthial lai timi thawngthanhnak ca a ra. Har lengmang i kai cinmi thingthei ei ta manh lo i i tthial ding cu a poi tuk a ti i a thin a hang taktak. Cumaw ka duh lai a ti i nam ai laak i a cinmi banhla kung le rawngtawban kung cu nam in a sam dih hna. Ni tlawmpal hnu ah cunglei headquarter in ca a ra tthan. “Nai tthial tthan lai lo, na umnak khua ah khan rak um tthan ko” timi thawng thanhnak ca a si.

 

4. EFC i pastor pakhat cu phung a chim ahhin mi mit a ku tuk. Zahceu renglo cu phung a chim ah an i hngilh tawn. Cucaah “Bamenton pastor” tiah an auh ve.

5. Aizawl um Laimi pastor pakhat cu an fale an dam lo pohah, “thlacam uh, sizung ah kal hlah uh, si ding hlah uh” a ti hna. Amah kha a ha a faak ve. Sizung ah arannakin ka kalpi uh a ti hna.

 

6. Korea ah senior pastor pakhat le assistant pastor cu fakngaiin an i si. Senior pastor nih assistant pastor cu inleng in tla lak in a nam. Assistant pastor cu a thi. Senior cu thong a thla.

7. Aizawl i a ummi Khrihfabu pakhat i a ummi pastor cu hitihin thla a cam an ti. “Bawipa Synod (Presbyterian) pawl he kan doh nak caan hi a sau tuk cang. An zumhnak hi a palh ahcun na biatak an theih khawh nakhnga dan zong tat ko hna. An cungah har nak zong tlun ter ko. Asinain kanmah zumhnak tu hi a palhmi a si sual ahcun rak kan ngaithiam ko” tiah thla a cam an ti.

Crd: Dr. Aung Myint Thang

error: Content is available