Press "Enter" to skip to content

Mah Bantuk Hi Cu Satan Riantuannak Ngaingai A Si Cang

US, Pennsylvania state ah khua a sami chungkhar nih Christmas lunglawmhnak le kan Bawipa Jesuh Khrih a chuahcamtuak conglawmhnak caah an inn cu dawh taktak in an tamh. An inn pawngah Jesuh Khrih a chuah lio zuk zong an tar.

A cungah dawh ngai le ngan nawn piin ‘JESUS’ tiah an tial chih. Cucu midang caah sualnak zong a si lo. Hnahnok zong a si lo. Asinain an innpa nih an rak celh lo tuk. Satan teh an nunnak ah aa hrok ko lai. ‘Huat a tlai tuk’ tiah inn ngeitu hna sinah an report hna.

Chungkhar lei nih an chimmi cu ‘Christmas inn tamhnak kan tuahmi a si. Jesuh min kan tar hnawh chan cu Christmas caan ah Jesuh Khrih a chuahcamtuak kan conglawmhnak kan langhternak a si’ tiah an chim.

Asinain inn hlang theo an si lai. Innpa nih an report hna hnuah inn ngeitu nih an Jesuh min tarmi cu lak than ding in a fial hna. Inn ngeitu nih a chimmi cu ‘ka zohpiak hna tikah Christmas inn tamh a si ti lo. Signboard tar a si cang’ tiah a chim. Phung he aa kalh tiah a chim chih.

Chungkhar hna cu thachia ngaingai in an tuah hna. Hi bantuk thil hi cu Satan riantuannk a si tiah ruah khawh a si. President Trump nih a champion mi Khrihfa zalonnak le zalong tein zumhnak eksaisai khawhnak taktak a um rih lo tinak a si. Ref: Fox News.

error: Content is protected !!