Press "Enter" to skip to content

Khrihfa nih Jesuh zultu kan sinak le zumtu tak tak kan sinak

Biaknak dang pawl nih hin an biakmi theihter an kan duh ruangah tuahmi thil an ngei cio. Tahchunhnak ah Muslim nu na hmuh hna poh ah cun puan in an hmai an i hup/khuh lai.

 

 

Hindu papawl na hmuh hna ahcun Angki raang a fualmi tbk he na hmuh hna lai. Muslim papawl nih cun lukhuh a raangmi an i khuh fawn. An i timhmi cu an thlil hruk eih, a umtu in an biaknak/mi cu zeidah a si timi an langter duh ruang ah a si.

 

 

 

Zumtu ai timi teh zeithil kan tuah ah dah Jesuh hnu zultu kan sinak a kan thieh khawh ve lai? Bible rel in teh? A si dih lo a ruang cu khrihfa tampinak in biaknak dang dang nih Bible ca a rel deuhmi an tamtuk.

 

 

Thlacam teh? A si dih ve fawn lo aruang cu biaknak poh poh ah thlacam hi a um dih ngawt. Buddhist hna le bang cu Khrihfa cheukhatnak hmanh in thla an cam deuh. Bible rel le thlacam sawh sawh long cun Jesuh hnu zultu kan sinak a langhter kho lo.

 

Bible nih zeitin dah a kan cawnpiak? Jesuh nih a zultu pawl kha ti hin a ti hna, “Pakhat le pakhat i daw u law cu ti cun midang nih ka zultu nan si kha an in theih hna lai” tiah a ti (John. 13:15). Khrihfami nih Jesuh hnu zultu kan sinak le zumtu tak tak kan sinak kan langhter khawnak cu, pakhat le pakhat kan i dawtnak thawngin a si.

 

 

Miphun sang/ Mirum tampi nih Jesuh hnuzul an sinak an langhter kho tawn lo aruang cu an unau/sahlawh sifak deuh pawl an tiih hna, an daw duh hna lo. Laimi, Kawlram chung hmanh ah a sifak tukmi nih Jesuh hnu zul (or) zultu kan sinak kan langhter khawhnak cu Pakhat le pakhat kan i dawtnak thawng hin a si.

 

 

Biaknak dang nih an i hruk eihmi in an biaknak zeidah a si timi an lang ter. Laimi, Khrihfa nih Jesuh zultu kan sinak le zumtu tak tak kan sinak cu pakhat le pakhat kan i dawtnak nih a langhter ve. Pakhat le pakhat kan i dawt khawhnak hnga Pathian nih kan zaangfah hram sehlaw, thluachuahnak kan pek piak ko seh. Amen

By- Aung Aung Lungler

error: Content is protected !!