Press "Enter" to skip to content

Dr. Aung Myint Thang: A Ngandam Lomi Cheukhat Laimi Zumhnak

A NGANDAM LOMI CHEUKHAT LAIMI ZUMHNAK

1. Malaysia ah kan Chin nu pakhat cu ni 40 rawlulh ai zuam. Ni 40 a thlin hlan ah rawlttam a celh ti lo i a thi. Thi lakin rawl a ul. Thi lakin thla a cam.

2. Lai pa pakhat cu Facebook i Pathian bia kong kan ttialmi hi a rel i pum ti lo in a um. Pumh i sermon ngeih zaka, aiawk ah a hman.

 

3. Pa pakhat cu hla cauk hi a byheart dih ngawt. Hla cauk zoh lo in hla cauk chung hla pawl hlacaang a au dih khawh ngawt. Asinain Bible cacaang ai cinkenmi pakhat hmanh a um lo. Hla lawng theih i Baibal pakhat hmanh theih bak lo.

 

4. Laimi thanghra cawng lio mi tampi cu caminpuai an awn khawh nak caah thla fak piin an cam. Camimpuai ah ca zong an i fir pah tthiam. Pathian he fir he a pahnih in an i bochan.

5. Hakha i Baibal siangin a rak kai mipa pakhat cu pumhnak ah chiarman an rak ttuan ter. A rak ngamh tuk lo caah ral tthatnak ah zu hraikhat in ai din ta ti a si.

 

6. Matupi ah upa pakhat cu zing rawl ei lai ah thla a cam. Sau tukin thla a cam i a fale sianginn kai an tlai dih i sianginn ah an saya te nih a fale cu an rak phomh hna ti a si.

7. Yangon LBC ah ka rak i pum. Nu upa pakhat cu thlacam an rak thiah i nazi 30 min chung bak thla a rak cam. Phungchim caan bakin a rak cam. A thlacam a dih i kan mit kan vun au cu kan mit zong a raa dih, a maw dih.

 

8. Yangon i Laimi church pakhat ah ka rak i pum. Bawipa zanriah an kan phawt. An misur hang phawtmi cu grape juice (misur hang) siloin misur zu (grape wine) tu a si. A pinh ning, a tthawn ning bak cu ka ri ko. Rit bu bakin Jesuh dawtnak thawngtthabia an chimmi cu kan ngai hna.

9. Laimi mi hlimlaam tampi cu Pathian zong an ttih bak. Khawchia le a umlomi mithla zong an ttih bak.

 

10. Laimi tampi cu nan lo chuak facang biakinn ah nan rak put. Nan pastor te kha tlawmte lawng nan tlanh ter hna. Nanmah member pawl nih nan tlanh i nan ei dih tthiam. Amah tizu a ei dih tthanmi khusisahngar bantuk nan si.

Crd: Dr. Aung Myint Thang

error: Content is available