Press "Enter" to skip to content

UN Council Nih Fak Taktak In North Korea A Phomh Than

Fak taktak in UN Security Council nih North Korea cu a phomh than. Atu tiang North Korea nih a tuarmi vialte dantatnak lakah a fak cem a si lai tiah US ambassador Nikki Haley nih UN tonnak an ngeih hnuah a chim.

US nih North Korea dantatnak catlap (draft) hi an sermi a si. Dihlak lungtling in biachahnak an tuah. Dan an tatmi phun thum hrawng a si i, i) sinaan lei, ii) phungning loin chawlehthalnak tuah pi lo ding ti le iii) thla 12 chungah ramdang ah North Korea riantuantu vialte kirter hna ding ti a si.

November 29 i missile a hneksakmi lehrulnak caah Council nih dan an tatmi a si. ‘Nihin ahcun thuk deuh chin lengmang in kan phomh. Thim ding lam kan pek lengmang ko nain vawleicung ram hna he hlat chin lengmang hi aa thimmi a si’ tiah a chim chih.

‘Kim Jong-un duhthimnak le International community renghnak tlukruang tein kan tuah lengmang lai. North Korea hi nihin kan chan dawhcah lo sualnak zohchun dingmi ram pakhat a si cang’ tiah fak ngaiin a chim than. North Korea nih zeitin dah lehrulnak a tuah te lai…!

Cyber in vawleicung company le mirum pawl a dohtu hna a si tiah naite ah US nih a phuan than. North Korea case a sang chin lengmang cang. Ref: CNN.

error: Content is protected !!