Press "Enter" to skip to content

Daw Aungsan Suu Kyi nih Chin miphun zeitin dah kan paw kan i cawm ti a kan hngalhpiak lo

Tutan a rak kan tlawng mi Rampi Ruahnakpetu Daw Aung San Suu Kyi nih khuakip a biachimak ah a chim mi cu, ”Vanlawng cung in nan ram ka van zoh i nan thingram a kawng tuk. Kachin ram cu an thingram tupi hring deldul in a um. Chin miphun cah kan duh mi hna cu, nan thingram van thiam ti hlah u, van daw cang u,” tiah a kan cah.

 

Image result for suu kyi hakha

 

A biacah mi zoh tik ah Chinram thingkung a teh i, a kawnghnak a ruang hi thingkung kan dawt lo ruang le kan hruh ruang ah hau sawh in kan hau mi le kan sawksam mi si lo in kan ram uknak chiat ruang le kan sifah ruang ah thial lengmang mi tlanglo thlawh in paw aa cawm mi kan si ruang ah mahtin kan thingram a kawnghnak a si hi a kan theihpiak lo ti a fiang.

 

Image result for suu kyi hakha

 

A ngaingai ti ahcun kan ram thingkung hna hi zuarchaw zong ah kan fir in kan zuar lo. Kawng ding tlak in hau sawhsawh zong in ka hau lo.

Cun kan thingram kawng dihlak tiang in kan hruh tuk ruang le kan nun a niam tuk ruang ah thingkung kan hau lo.

 

Image result for suu kyi hakha

 

Kumfatin kan pawcawmnak ah tiin thial lengmang mi tlanglo kan thlawh ca ah kan zuam lo le kan celh lo bu in thingkung kan hau mi le lo kan duah mi a si zia a kan hngalhpiak lo pin ah thingram a daw lo mi miphun ah a kan chiah mi cu a poi ngai. A ka deoh ngai!

 

Related image

 

Mahtin kan ram thingkung kan hau mi cu cuhlan cozah nih siseh, nihin cozah nih siseh tlanglo thlawh ngolter khawh nakding tiang pawcawmnak an kan tuahpiak duh lo le an kan tuahpiak khawh lo ca ah a si. Hihi an hngalh awk a si.

 

Kan pi hi, kha hlan Ralkap bawi pawl biacah bang, ”ziah cutin nan tuah lo, cutin van tuah u,” tiin a kaa chuak poh chim phun in a kal cang.

 

A siningte ahcun, tlanglo thlawh in paw aa cawm mi kan si kha a kan hngalhfianpiak awk a si. Cun zei ruang ah dah Chimi nih zei dang pawcawmnak rian kan tuan khawh lo? ti le zei ruang ah dah Chinmi kan si a fah? ti zong hi a fian awk a si.

 

Image result for suu kyi hakha

 

 

A ngaingai ti ahcun cu dirhmun cun hi kong ah bia a chim awk a si. Cun, hi thingram hau ti lo ding rian hi kanmah Chinmi rian nakin anmah Cozah a tlai lio mi rian a si zia le, Chinmi kan pawcawmnak rian an kan tuahpi ding a si zia a hngalh hmasa awk tu a si.

 

Image may contain: 6 people, people standing, child and outdoor

Kachin he a kan tahchunh mi hi, Kachin ram le Chinram ah zeidah a chuak? Zei in dah kan paw kan i cawm ti kha a kan zohpiak awk a si.

 

 

”Nan pawcawmnak ah kumfatin tlanglo nan thlawh i thingkung nan hau mi ngol khawh nakding ah cozah nih cucu khakha kan ruahpiak mi hna a um, nan tha chia hlah u,” ti tu in Chinmi hnemhnak tu ah a hman awk a si.

 

Anmah cozah santlaih lo ruang le anmah cozah tuanvo tu kha hnu ah chia riangmang in le thian i chehriangmang in kanmah chimh ngaih lo le hruh tu coh cu kei cu ka lung a ka fahter ngai. Ramkheel mit a au ti rua lo.

 

Related image

 

 

Chinram ah voi thum a ra cang nain Chinmi nih kan herh bik mi (basic needs) a kan theihpiak kho rih lo. Tutan zong ah zeidang nakin kan tlanglo pawcawmnak thlen khawh nakding tu a kan ceihpi i a kan ruahpiak deuh awk a si. Zeidang nakin a pakhatnak kan herh bik mi a si.

 

 

A kan cah bantuk in lo vaat ti lo in um usihlaw zeidah kan ei lai? Cu a phi ruahpiak lo in thing hau ti hlah u ti men cu, ”satil kha thlai an ei sual lai tiin rawl pe lo in hri in hren phun” ah ka ruah.

 

Related image

 

Cun inn saknak ah kan faar kung le thing tha phun pawl hi hau lo in um usihlaw Chinmi hi zei in dah inn kan sak lai? Kanmah ramchung ah a kheo mi tlor thing hmanh an kan chuh, an fir, kan laak mi tlawmpal hmanh an kan tlaih tikah a ti awk pei a um ti hnga lo cu, Pi Suu?

 

Image may contain: 1 person, smiling, standing and on stage

 

Suu Kyi hmanh nih Chinmi phun kan dirhmun a kan theihpiak lo le a kan ruahpiak lo mi cu chim awk le zumh awk dang an um ti lo.

Ngakchia kha muthai kan phurh hna i an hna kan ngamter men hna bang in a facang le chiti tlawmpal hei phurh sawh men hin an i lawm ngai ko lai tiin a kan ruah rih mi hrim hi nehsawh ah ka ruah.

Ruat hmanh:
1. Thingram a daw lo mi miphun ah a kan chiah hih.
2. Chinmi kan pawcawmnak kong a rak kan ruahpiak mi le aa hmaithlaak mi a um lo.
3. Kan inn-lo sak nakding thingrua kong hmanh a kan ruahpik lo.
4. Chinram a kan tlawn tawn mi hi party thazaang kawlnak men ah a rak si.
Pa Pui

Credit: Lalawm Puia Fb

error: Content is protected !!