Press "Enter" to skip to content

Banhla Hawng Hmangin Arsik Tlau Ter Hna Usih

Banhla eidih in a hawng kha hlawnh ding asi lo. Bacteria hrik, a tlormi, Cun cells a thimi pawl nih thlan a chuahnak kua kha an phih caah arsik hi an chuak tawn.

Cu pinah hormone aa thlen ruangah, vitamin det bau ruangah le khuaruah tuk tbk ruangah hin arsik hi an rak chuak kho ve. Cu tikah i ttamhmawihnak thilri nih le an man a fak, cun sautuk te hman tikah det he aa tteh lo tbk zong a hung chuak kho tthiamtthiam. Arsi damnak le hmaivun tthatnak dingah kokek sii te hman khawh asi ve ko.

 

1. Banhla Hawng

Na hmai thiang tein iphiah hmasa. Cun towel in thiang tein naa hnawh lai. Cu hnu cun banhla hawng khan na hmai kha na hnur lai. Minute (10-20) tiang na tuah lai. Cu hnu cun na hmai naa phiah tthan lai.

2. Banhla Hawng Le Soda 

Soda ahhin hmai thlan chuahnak kua i a thurhnawm mi thenhkhawhnak a nei. Banhla hawng i a nal pawl kha ziat hna. Cun mah na ziahmi darkeu khat le soda darkeu 1/2 kha ti tlawmpal te he cawh chih hna. Mah na cawhmi kha na hmai ah i thuh. Minute (2) chung hrawng a rauh hnu in na hmai naa phiah tthan lai. Cu hnucun na duhmi Lotion poh naa thuh tthan khawh.

 

3. Banhla Hawng Le Reite Phun

Reite phun nihhin arsik chuahter tu bacteria hrik pawl kha a thah khawh ve hna. Cu tikah banhla hawng i a nal le reite phun a haang kha chawh hna law na hmai ah naa thuh lai. Minute (15) hrawngin na hngah lai i cu hnucun tilum in na hmai naa phiah lai. Nifatin tein tuahpiak khawh asi.

4. Banhla Hawng Le Khuaihliti

 

Banhla hawng a nal darkeu (1) le khuahliti darkeu 1/2 kha cawh hna law na hmai ah naa thuh lai. Minute (15) hrawngin na hngah ve lai i cu hnucun tilum in na hmai naa phiah ve lai. Nifatin tein tuah khawh asi ve.

error: Content is protected !!