Press "Enter" to skip to content

Uico Nih An Dawi Seh An Timh Tikah A Dohning Phun (5)

Nifa te naa chawhlehnak, lam na lennak le exercise na tuah na tlik tikah lamkam uico seh hraang he nan i ton asiahcun ttih a nung ngaimi asi. Lamkam uico zongah hin ruah lo piin a ttha tukmi an um bantuk in seh hraangmi zong an rak um kho ve.

Uico nih an bauh seh an timh tik ah zeitin dah kan doh ve hna lai timi hi vawlei cung mifimthiam le uico leikong a thiamsang mi hna nih a khawmhsut mi lakah tlawmpal ka rak langhter ve.

Uico nih seh an timh le an dawi tikah mah thil phun(5) hin na doh hrimhrim a hau ;

 

1. Lau Tuk In Um Hlah

Uico lawng siloin saram dang zongnih hin minung kan ruahnak le kan umtu hi an theih khawh tiah zumh asi. Aainain uico nih seh an kan timh lio ahcun thinlung daite i umter cu a fawi ve lo. Cu tik ah kan au, kan zaam, kan kut kan zo cun kan tlik asiahcun uico sehduhnak thinlung kha kan thawhter asi i a kan sehduh khun lai.

2. A Tli Liomi Na Si Ahcun Lam Kal Tluk In Na Speed Zor Ter

Na tlik lio i uico nih an dawi seh an timh asiahcun tli ti loin lam kal in kal. Uico kha na hnulei chit law duhsah tein kal ko. Asinain na mitsir tein uico kha zoh pah lengmang ko. Cun lamkam ah na kut kha samh law dai tein dir ko, cu tikah uico nihkhan zei ah an rel ti lai lo i amah tein a kir tthan ko lai.

3. Uico Mit Le Na Mit I Tong Hlah Seh

Uico mit le na mit aa ton i na zohchih ve asiahcun uico thinhungnak le seh duhnak kha a zual khun lai. A mit na zohchih asiahcun uico nih a ka tihram tiin a ruah caah cheukhat uico cu an hraang khun. Na mitsir tuin ngia law uico mit le na mit cu tonter bak hlah. Cu tikah uico nih a ka tihraam loh tiin a ruah lai i an kaltak ko lai.

4. Uico Kha Thildang In An Ruahnak Thlen Ter

Naa putmi thilri pohpoh in an ruahnak na thlen khawh. E.g. Bag, tithawl, eiawk le thil dangdang kha bantuk pawl kha seh le ttam dingin pe law an ruahnak kha aa thlen lai i na caah caanttha a si lai. Na zaamtak khawh lai.

 

5. Uico Kha ” Kal, Ka Kal Tak ” Tiin Na Chimhhrin Khawh

Uico nih an kaltak lo seh an timh peng rih asiahcun a mit zawntheng zoh loin ” Kal, Kal Cang ” tbk in a zohkhenhtu bantuk in na tthawl khawh. Na aw thangpi chuah lem loin le a ttih lotuk mi bantuk tein na chimh khawh. A ttha bikmi chimh ning cu ” Kal , tuah hlah” tbk hi aw hraang tuk lo tein chimh ah a ttha. Cutik ah uico tu kha a thin a phang lai i a tli a zaam ko lai.

ref : daily hot news

 

error: Content is protected !!