Press "Enter" to skip to content

US Nih UN Bawmhnak A Thum Taktak Cang

US nih UN bawmhnak tangka a pekmi $300 million dengmang leng a thumh cang. UN vote thlaknak lehrul theo a si lai. Camapign lioah President Trump nih UN lungput a rak soisel len cang. Jerusalem kongah vote an thlak zong ah US lung an fahter ngaingai.

US Ambassador Nikki Haley nih a chimmi cu 2018 le 2019 caah UN bawmhnak a pek dingmi chungah $285 million kan zuh cang lai tiah Zarhpini ah a chim. ‘US nih bawmhnak tangka a thumhmi hi US karhlaannak caah a biapi tukmi a si.

Kan ram ka runven pah in UN thawnter chin lengmang naak lam ka kawl lai. UN san a tlaih lomi le a hleihluat in tangka a hmanmi hi kan theih ciomi a si. American mipi kan thatnak hi miaknak a kan kawlnak men ah kan siang ti lai lo.

Tangka kan thumhmi hna a siah a dangdang in renghnak kan tuahmi hna hi US lam ding karhlaannak caah a biapi tukmi an si tiah Nikki nih a chim chih. President Trump zong nih UN bawmhnak a pekmi thumh ding in a rak chim cang.

UN bawmhnak 100% chungah 22% hi US sinin a rami a si. A sullam cu kum tin in US nih 3.3 billion lengmang a bawmh tinak a si. Ref: The Hill.

error: Content is protected !!