Press "Enter" to skip to content

UPC Nih An I Tleihmi Doctrine Pakhat: “Jesuh Hi Pathian  A si Timi Bible Chungah Catlangtling Tein A Um maw?”

Vawlei cung Khrihfabu  hi biaknak doctrine  ruangah fakngai in a tu tiang ah an buai peng I an I el peng rih. Jesuh khrih a voihninak a rat hlan poh cu biaknak ruangah biael le kan nih zumhning hi a hman ti cu a dong hlei lai loh a ruang cu satan nih minung hi Pathian biatak theih a kan senh lo caah a si.

Khrihfabu tampi an doctrine ruangah pakhat le pakhat an I do i, nan nih zumhning hi Bible he aikalh tiin an chim cio. Cu lak ah Oneness Pentecostal le Trinity hi kan I el ve. Oneness pawl nih Trinity a zummi pawl hi Bible ah (Trinity) timi biafang a um lomi nan zumh tiah kan ti hna. Vawlei cung khrihfabu tampi zong nih Oneness cu “ Cult” tiah kan ti ve hoi hna. Cult ti cu hawi zumh loning in Bible duh poh in a merh I, a zummi ti khi a hei sawh duh. Cult kan ti hnanak aruang cu um rih ko seh.

UPC cio cio zong nih hin kan zumning hi kan chim cio nain kan chimh mi (or) kan zumhning aa khat dih ve lo, Baptist zong kan si ve tthiam ko. Tahchunhnak ah cheukhat pawl nih kan zumhning ahcun, Tipil innak thawng hin van kai khawhnak a si tiah kan zumh. Cun holhtheih lo hna hi van a kai dingmi hmel chunnak ah kan rel. Kan zumhmi le Bible chim duhmi hi a hmanmi, Pathian chim duhmi kan theih khawhnak ding ah cun kan zumhning hrambunh in Bible Study tuah lo bak ah a tha. Thla camnak he Gensis in Biathlam tiang rel I biatak kawl a herh, minung fimnak in pathian bia a sullam theih khawh a si lo.

UPC doctrine pakhat nih ai tleih bak I a phi a hmuh khawh lomi cu; Trinity timi biafang hi Bible ah a um loh an ti bantuk tein Jesuh hi Pathian a si ti mi hi Bible chung ah catlang (sentence) tling  an hmu kho ve loh. Tahchunnak  Jesuh a ttap, Jesuh cu tukhaal ttha a si ti tbk cu catlang tling tein a um. Asinain Jesuh hi Pathian a si ti cu catlang tling tein a um loh.

Trinity pawl nih zeiruangah dah (Trinity ) an zumh ti si ah cun Bible chung ah plural form in Pathian nih ai langh tawn. Pathian pathum an zumh tinak si lo. Pathian Pakhat kha phunthum in ai langh (Pa, Fapa, Thiang Tlarau) tiin hmuh khawh a si. Pa hi fapa a si lo i Fapa zong hi Pa a si lo bantuk in Thlarau zong hi Pa  (or) Fapa si ve lo. Cu cu kan biak Pathian khuaruah harmi a sinak le a sermi minung nih a si ning kan theih khawh lomi cu a si. A sermi  minung men nih maw Jesuh lawng hi Pathian a si tiin Bible leng ah na ruahnak telh chih lai cih. Phunthum In ai langmi (Pa, Fapa le Thiang Thlarau) a min cu Pathian (God) a si. Phunthum in ai langh ning . E.g  1, Jesuh nih Kapa a ti. 2, keimah ka kal lo ah cun Bawmtu kha nan ngei la loh a ti. Cu Bawmtu a timi cu Thiang Thlarau kha a si. 3, Minung kan serhna  u sih (let us make man) NKJV. Chim duhmi cu Pathian Pakhat a simi hi phun thum in ai langh i, rian tuan ah an i bawm leng mang.

Fapa Jesuh  hi Pathian a si timi biafang hi Bible chung ah Catlang tling in a um maw? Umhlah!  A um na ti ah cun na Bible ai dan bia a si lo le nalih a si la. Asinain fapa Jesuh  hi pathian a sinak ca tlangtling in I ttial hmanh hlah sehlaw Pathian a sinak cu hmun tampi ah a um. Pathian Jesuh)  nih Pathian ka hrim hrim ko e ti cu a chim len zong a haul loh a thil tuahmi le a rian ttuan ning in, Bible chungah Pathian a sinak theih kawh a si. Laimi bantuk in ai phawr hlawmi a si lo!

Fapa  Jesuh Pathian hi Bible zohnak in Pathian a sinak kantheih khawhnak cu  Jesuh nih “ Khua ruahhar  lungre thei in um hlah u, Pathian kha zum u law keimah zong ka zum ve u”(John 14:1). Cu nih a langter duhmi cu Kapa hi pathian a si zumh uh cun kei mah fapa zong hi Pathian ka si a ti a langhter. Jesuh hi Pathian a si timi cantlang tling tein kan hmuh lonain Bible nih Jesuh Pathian a sinak an langhter.

Cu caah Pathian nih theihter a kan sianh i Bible chung ah a ummi hi zumhna sihlaw, pathian nih a theih a kan senh rih lomi hi theih i tim hlah u sih! Simple tein Bible chung i Pathian bia cohlang law na tlau lailoh.

Note: Pathianbia nih kan zumhning ruag ah fahnak, ning zahnak le thin hunnak tbk a kan pekmi hi biatak kawl duhnak thazaang ah i ser hna sih.

 

error: Content is protected !!