Press "Enter" to skip to content

Zaan Kan Ihhmu A Cim Lo Tik Ah Zeidah Kan Tuah Lai I Zeidah Kan Hrial Lai

Zaan ah ttha tein kan i hngilh khawh lo ahcun a theaizing ah rianttuannak zongah a tlamtling kho ti lo. Kan lu a faak, khua ruah a har. Kan thinlung zong a dam lo. Cutik ah kab damnak ding tuah hi a biapi tuk.

Zaan ah kan ih lo or kan i hngilh khawh lo tikah a thaizing ahhin luan lak iin ih bak lo ding. Zeitin dah kan i conghramh lai tiah cun a tanglei ahhin tling tein rak rel.

1. Nitlang To

Zingka teah nihmuh i zuam. Ni ceunak nih na thinlung a hliphlau ter lai i a nehhnu ah i hngilhkhawh nak zong tampi an bawmh lai. A zaan ah ttha tein i hngilh khawh na duh ahcun zing or chun ah duhsah tein nitlang tangah lamkal (walking) tuah law a zaan ahcun ttha tein na it kho cang lai.

 

2. Coffein Tamtuk In Ding Hlah

Kan ihhmu ku a cim lo tikah rawlei kan duh khun, coffee tbk., zong kan duh khun. Asinain coffee tamtmdeuh na din cun na dinka te lawngah na damdeuh lai i a hnu ahcun na luhfah, na taksa fah tbk kha a zual chin lai. Cupin ah coffee tamtuk na din asiahcun a zaan ah naa hngilh kho hlei ti lai lo.

3. Exercise Tuah Khawh Izuam

Zaanlei sang i ttha tein exercise na tuahkhawh asiahcun a zaan ah ttha tein naa hngilh ko lai. Exercise ti tikah gym, bawlung chuih lawng khi an si lem lo. Lam kal sawhsawh zong hi exercise ttha taktak asi tthiam.

4. Chun Ah Caan Tlawmpal Te Ih Piak

Minute (20) hrawng na ihpiak ahcun na thluak rianttuannak a ttha tthan lai. Na umtu a nuam tthan ko lai. Mifim thiam chimning ahcun minute (20)- (60) karlak ih hi a ttha bik an ti. Asinain cu nak luan in ka ih asiahcun lungfim a har, lu a faak duh a zualchin mi kan lo ko lai. Cu ruangah luanlak in ih nak lo ding.

 

5. Zuu Din Lo Izuam

Ka rit ahxun kaa hngilh kho lai tiah ruat hlah. Caan tlawmpal cu nai hngilh lai asianin suilam tlawmpal a rauh in naa trhang tthiam tthiam lai.Zaan lai in naa hngilh kho ti lai lo.

6. Ti Tampi In Ding

I hngilh khawh lo tikah ti det kan bau tawn. Cu ruanga tj hi dinpiak ve a hau tawn. Ti det kan bau asiahcun lufah, lungmih tbk,.a rak chuak kho.

7. Internet Lawngte Hmang Hlah

Zaan i a ceumi nihhin naa hngilhnak an dongh khawh men. Ph, computer in a rak chuakmi a zawngpawl hi a ttha lo khun. Na ihhlan suimilam (3) hrawng ah na phone le na computer kha fim hna hmanh naa hngilh zau lai.

 

error: Content is protected !!