Press "Enter" to skip to content

Thlacam Bawmh Halnak

Lungler khuami pi Far Khen i a fanu hniang tangkua kai liomi Bawi Nun Rem cu Insein siizung pi ah a lu operation an tuah i a luvun le a luruh kar ah a sachia pawl khengkurkhat bak an lakpiak. Nikum ahkhan voikhat an khuai cang i a tu bantuk tthiamtthiam in an rak lak cang.

 

A mah hi sianginn a kai lio zongah ca zong fak piin ai zuammi a si. Hngakchia felte a si. Tanghra ka awnnak dingah tiin ca hi fak piin ai zuam. Tukum kha sanpiah hostel ah a um i a dam lo pah lengmang. Hakha siizung ah ai puah tawn ko nain a dam hlei lo. Zaan a ih poh ah hin lungfim loin a um tawn.

 

Asinain a nu le a pa an lung a ttha lo i yangon siizung lei ah an kal pi. Operation an van tuah cu a lu ruh le a lu vun kar bak ah mah vialte thil (sa) ttha lo hi an van chuah dih ko. A nu le a pa cu an lungre a thei ko. Pathian sin tu ah thlaza campiak ko hna usih.

Amah hi hlan deuh ah a lu hi operation an rak tuah i cell tampi an rak thlau.Mah ruang ahcun hi bantuk thil hi ai semnak a ruangbik si dawh asi.Sayama le doctor te zong operation an tuah ah hin an i ralrin deuh cu a hau ko cang.

 

Bawi Nun Rem cu a duhmi tanghra awn le ai tinhmi tlamtling khawhnak dingah Bawipa tunih damnak pe ko seh. Mipi zong nih Pathian sinah damnak halpiak ko hna usih.

Bawipa nih damnak pe ko seh!

error: Content is protected !!