Press "Enter" to skip to content

Sii Din Hau Loin Thikai Zawtnak Damter Ning Phun(5)

Mah thil phun(5) na tuahnak nih hin na ngandamnak le na nunning an thlen pinah na thikai a ttum lai i lung zawtnak chung zongin an khamh lai.

 

Thikai zawtnak hi phunhnih in tthen a si.Stage I hypertension (stage 1 thikai zawtnak) cung lei 130-139 tanglei 80-90) le Stage II hypertension (stage 2 thikai zawtnak) cunglei 140>tanglei 90> tiin tthen an si.Stage II hi cu minung kan nunnak ah ttihnung asi pah cang.

Thikai (high blood pressure) ka neih ti naa theih ahcun siidin kongah na buai kho men.Kan Lairam zongah hin thikai zawtnak ruangah a liammi an tam ngai cang.Kan umtu ning le kan sining a tthat lo ruang zongah a si kho men.Asinain hi thil phunnga nih hin na ngandamnak lei le a bikin na thikai zawtnak ah tampi an thlen lai.

1.Na rihnak (pound) Kha Zor Ter

Na rihnak (Pound) a kai asi ahcun na thikai kha a zual ve ko lai.Na thau deuh le na pound a kai asiahcun na thikal a hman lai lo i zaan na aih tikah na thawchuah a hman lai lo.Zaan ah ttha tein naa hngilh kho ti lai lo.A thaumi sa ei i sum law na pound ching kaiter bak hlah.

2.Caanhman Tein Cawlcanghnak(Exercise) Tuah

Caanhman tein exercise tuah ning- Zarhkhat ah Minute 150 tuah ding or zarh donghnak leini ah min 30 tuah ding.Mahti cawlcanghnak na tuahkhawh asiahcun 6-8 mmHg lengmang na thi a ttum ko lai. Cawlcanghnak tuah loin na um tthan asiahcun na thi  a kai kho tthanmi asi caah caan hman teiin tuuahpeng a hau tinak a si.

3. Anhrinhnah le Theitlai Tampi In Ei

Anhringso tampi na ei ahcun na thikal a ttha lai i na thii  a ttum zau lai.Thingthei tampi na eipiakk ve asiahcun vitamin C tampi na ngah lai i na thi zong a thian lai caah na thikai kha a tum ve ko lai.

4. Zuu Din Caan A Ri (Limit) Tuah

Asi ning tein zuu dinnak nih hin thikai zong hi a ttumter ve. Zuu caah cun nikhat caah 1.5 ounces ,beer caah cun nikhat ah 12 ounces le wine caah cun nikhat ah 6 ounces dinpiak ahcun na thikai a ttum ve ko lai.Asinain asi lo ningpi in le luan lak in na din asiahcun na thikai ttum loin a zual tertu asi lai.

5. Kuatzuuk I Phiak

Kuat na zuuk asiahcun na lung thahri ( veins le artery) ah thikal a hman lo i lung nih ttha tein rian  a ttuan kho ti lo, cu ruangah cun kuat na zuuk peng asiahcun na thikai a ttum kho ti lai lo.

 

error: Content is available