Press "Enter" to skip to content

Rawlttaam Tuk Lioah Ei Lo Dingmi Le Tuah Lo Dingmi

1. Coffee

Zingka thawh le cangka tein coffee a ding lengmang mi an tampi. Coffee ah zeihmanh cawh loin, din tikah pawpi chungah acid a chuak khun. Cu caahcun Heartburn timi zawtnak tiangin a chuak kho. Coffee ah cawhnuk cawh in changreu he eitti ahcun ngandamnak zong a tthat ter.

 

2. Zuu

 

Rawlttaam tuk lio le pawpi chungah zeihmanh a um lo lioah zuu din ahcun a lethnih in taksa a hrawk. Pawpi, kal le lung ( heart) zong a hrawk khun.

3. Sii

Aspirin, Paracetamol le phin damnak tbk,. sii pawl hna hi pawpi a lawn lioah din lo ding a si. Pawpi chung thichuah le pawpi lei zawtnak a chuahter khawh. Rawlttaam lio ahcun cawhnuk he sii dintti ah a ttha bik.

4. Pi ke( khaicek)

 

Rawlttaam lio i khaicek na khai a siahcun acid a chuak tam lai i, pawpi (stomach wall) a ei khawh. Khaicek i a thlumnak a ummi hi cini i a thlumnak nakin cun ttih a nung lo deuh. Asinain khaicek hi minute (10) cung khai lo ah a ttha bik.

5. Ttha Tein Ihngilh Duh Ahcun

Rawlttam tuk ahcun ttha tein ihngilh khawh a si lo. I hngilh zongah a hlauh tthan lengmang a si. Ttha tein hngilh na duh asiahcun cawhnuk le khuaihliti le cawhnuk cawh law ding.

6. Fak Tukin Exercise Tuah

 

Rawlttam tuk lioah exercise biatak tukin na tuah asiahcun a thau (fats) pawl nakin na tiksa (muscles) pawl an zordeuh lai. Cu caahcun exercise na tuah lai suimilam tlawmpal aa duh ah eiawk pakhat khat ei hmasa ta.

 

 

error: Content is available