Press "Enter" to skip to content

PSG Manager Unai Emery Cungah Neymar Lung A Tling Ti Lo

Barcelona chuah tak in Paris St-Germain aa tialmi cu tangka leiin ruah ahcun a phu taktak ko. Vawleicung ah a man sang bik pakhat dirhmun a phaknak zong a si. Asinain Neymar cu aa ngaichih ngaingai ti a si.

Kum li chung Barcelona ah a um. Vawleicung bawmlung chuih thiam Messi he an um ti. An i nuam i, an hlawhtling ngaingai. Ruah lo piin £200 million hmuh ding Paris St-Germain ah aa tial diam. Kum nga caah hnatlak zong an tuah cang.

Spanish TV programme La Porteria chimning ahcun Neymar aa ngaichih ngaingai ko cang rua. Neymar nih a hawile sinah a chim tiah an tialmi cu ‘Barcelona ka chuah takmi cu kaa palh ngaingai ko’ tiah a chim a ti.

France ah a um cang i, Barcelona he um kha an ngai tuk cang tiah a tial chih. PSG manager Unai Emery cung zong ah a lungtling lo; a kal pimi policy kong zong ah a lungtling lo. Paris i a umnak pawngkam kong zong ah hnangam a si lo tiah a tial chih. Ref: Daily Mail.

error: Content is protected !!