Press "Enter" to skip to content

Nau Pawi Liomi Nih Hrial Ding Le Tuah Ding

Nau pawi liomi nu pawl, a bikin fakhatnak a pawi liomi nihhin nau pawi kong he pehtlai in theih an duhmi a tampi lai ka zumh.

Nau pawi a van i thawk bak in thil sining aa thlengmi a tampi tawn. Hrial dingmi le tuah dingmi hi tampi a um. Cu lak ahcun tamdeuh nih hal tawnmi hi kan van zoh hna lai.

 

1. Nuva Sinak Hi Tuah A Ngah Maw?

Nu va sinak tuah hi zeihmanh ttihnung a um lem lo. Asinain nu thi a chuah le pakhat khat fahnak ruangah siibawi tenih nuva siinak tuah a ngah lo an ti chung cu isum a hau. A fah lo, umkhua nawmh lonak na neih lo asiahcun a ngah tuk.

2. Zakphathal In Ih A Ngah Maw?

Zarh (20) chung ahhin cun na siarem ning poh in na it kho. A poinak a um lem lo. Mah hnu cun sirlei hoih in na ih ah a ttha bik. A ruang cu zakphathal in na ih asiahcun nau i a kalmi thahri pawl kha na phih khah. Zaan na ihlio ah zakphathal in na rak ih asuahcun na theih le cangka tein sirlei hoih tthan ko. Sirlei hoih i ih hmanh ahhin kehlei hoih in ih hi a ttha bik.

 

3. Coffee Din A Ngah Maw?

Coffein det tlawmpal tleh in cun din a ngah ko. Nikhat ahhin 200 mg hrawng in din a ngah. Eg coffee hrai a fami te hraikhat ahkhin 200 mg hrawng asi. Asinain coffee ruang i tthat lonak pakhat khat a um asiahcun din lo ah a tha.

4. Khualtlawn A Ngah Maw?

Khualtlawnnak a har tukmi le ahla tukmi tbk a silo ahcun zarh 28 tiang cu duhnak hmun poh ah khualtlawn khawh asi ko. Khualtlawn lio, a bikin vanlawng in khualtlawnnak ruangah hin thisen a khal kho. Cu ruangah cun suimilam (1) ah voikhat lengmang in lam kalpiak lengmang a hau.

 

5. I Ttamhnak Thilri Pawl Hman A Ngah Maw?

  • I malit, kuttin le ketin pawl an dihlak in ttamhmawih khawh an si.
  • Sam sen/ nak sii i thuh hi nau aa hrawk kho tiah an rak ti nain a hnu ahcun aa hrawk kho lo tiah an ti tthan. Cu caah Sam sen/nak sii thuh na duh asiahcun siibawi te sinah hal a ttha bik.

 

Kan I Ralrin Dingmi Thil Dang Te Te

  • Tilum in sautuk i ciah cu a ttha lo. Asinain a zatawk tein a lummi tiin ikhawlh cu a poinak a um lo.
  • Fak tukin cawlcangh le paw a khawnnak ding thilri an umnak ahcun lente celh lo ah a ttha bik..
  • Ban Thlir : Fak tukin banthlir nak nih nau lairil a chah khawh timi cu asi bak lomi asi.

 

source : Dr. mya pho ngon (dr.myanmar)

 

 

error: Content is protected !!