Press "Enter" to skip to content

Nau Pawi Lioah Thahri Pawl An Cah Nak Hnga Lo Zeitindah Kan I Khamh Lai

Nau pawi lioah hin taksa ngandamnak ding hi a biapi bikmi a si bantukin, eidin lei zongah i ralrin a hau taktakmi a si. Cu pinah nifa te caan hmannak ah nau a ngandamnak ding zong a biapi bikmi a si fawn.

 

Nau pawi lioah hin thahri cah hi ton  loawk a ttha lomi thil pakhat a si ve.Paw le paang, elzim, tanpor le a dangdang zongah thahri pawl hi an cat hna i, hmape nganngan ah an hung i chuah tawn. Cu caahcun nau pawi lio i, thahri aa hrawh deuhnak hngalo, zeitin dah kan i khamh lai timi capar tawi tein kan rak langhter.

 

1). Ungsii, chiti le olive chiti tbk,.pawl hna hi i thuh lengmang a hau. Nikhat ah voihnih lengmang i thuh ahcun thahri cahnak in a khamh deuh ko lai. Cu pinah tikholh dih le cangka paoh in thuh ah a ttha faw.

 

2). Weight zong kaiter tuk lo i zorter tuk lo a hau fawn. Thau tuk lio i, ruah lo piin vun der ahcun thahri pawl an cat khun. Cu caahcun a bikin eidin kongah hin i talrin i, din eipiak zia thiam a hau fawn.

 

3). Exercise zong tuahpiak a hau ve. Nau pawi lio i exercise tuah dingmi pawl tuah a hau. A har tukmi le faak tukin exrcise tuah ding a si lo. Exercise a caan hman tein na tuah asiahcun, nau zong a ngan a dam lai i, nangmah zong na ngan a dam lai. Cu pinah nau neih zong naa fawih deuh lai.

4). Ti tampi in dinpiak a hau. Nau pawi liomi nihcun nikhat ahhin ti a tam khawhchung in din a hau ve. A tlawmbik ah nikhat ahhin hrai (8-10) tal dinpiak a hau. Cu pinah taksa chungah ti det a bau nak hnga lo ti det a tammi theitlai pawl zong eipiak chih ah a ttha.

Ti det a tammi Zil, tbk hna hi an ttha khun. Chungpih zong a khamh pinah taksa rihzaan zong a control khawh.

5). Coffein det tammi eidin hrial khawh izuam a hau. Coffee hna tamtuk din ahcun nau ngandamnak zong a tthat ter lo pinah taksa chungah ti det zong a bau ter khun. Cu caahcun coffein det a tammi eidin hrial khawh ah a ttha bik.Myhealth

 

 

error: Content is protected !!