Press "Enter" to skip to content

Myanmar Le Indonesia Ralkap Thazaang Cuaithlainak

Indonesia cozah kalning hi Myanmar cozah nih tampi a rak i cawnmi a um. Ralkap nih nawlngeihnak a rak tlaihmi ram a rak si, asinain atu cun democracy phung bantukin Central Cozah nawlngeihnak in an kal cang. Myanmar cozah he an i lawhnak tete an um len ve.

Muslim ram an si i, Asia ram ahcun a thawng cem leiah an cang ve. An ram hnih ralkap thazaang kan zoh tuah hna lai.

Minung Thazaang: Myanmar mipi cu 56,890,418 a si i, Indonesia hi 258,316,051 a si. Myan nih ralkap zate a ngeihmi hi 516,000 an si i, Indonesia nih a ngeihmi hi 975,750 a si. Ral a doh kho cang dingmi ah Myanmar nih 406,000 a ngei i, Indonesia nih 435,750 a ngei ve.

An i chiahmi ralkap ah Myanmar nih 110,000 a ngei i, Indonesia nih 540,000 a ngei ve.

Tangka Thazaang: Kum khat ah ralkap caah tangka an hmanmi hi $ 2,400,000,000 (Myanmar) a si i, Indonesia nih $6,900,000,000 billion a hman ve. Indonesia nih a tei ngaingai.

Raltuknak Vanlawng Thazaang: Myanmar nih a zate in 249 a ngei i, Indonesia nih 441 a ngei. Myan nih raltuknak vanlawng 77 a ngeih i, Indonesia nih 58 a ngeih. Ralkap helicopter hi Myan nih 86 a ngeih i Indonesia nih 147 a ngei.

Myan lawng nih ral a tu khomi helicopter 9 a ngei i, Indonesia nih 5 a ngei. Ral an um maw um lo ti a thei khomi raltuknak vanlawng ah Myan nih 56 a ngei i, Indonesia nih 39 a ngei; training cawnnak vanlawng ah Myan nih 58 a ngei i, Indonesia nih 111 a ngei.

Raltuknak Motor Thazaang: Myan nih tank 592 a ngei i, Indonesia nih 418 a ngei. Myan nih raltuknak motor 1,358 a ngei i Indonesia nih 1,089 a ngei. Myan nih rocket kahnak hriamnam phurtu motor 108 a ngei i Indonesai nih 86 a ngei.

Ti Lei Thazaang: Indonesia nih submarine 4 a ngei. Myan nih ramri conghnak tilawng 40 a ngei i, Indonesia nih 74 a ngei. Myan nih Frigates raltuknak tilawng 5 a ngei i,Indonesia nih 7 a ngei.

Minung thazaang le tangka thazaang in Indonesia nih a tei ngaingai. Ref: GFP.

error: Content is protected !!