Press "Enter" to skip to content

Kan Thin A Ngandamnak Dingah Kan Tuah Dingmi Thil Phun (5)

Minung kan chungril vialte lakah a biapi bikmi cu kan thin hi asi. Kan chungril vialte lakah a nganbik le rianttuan biktu zong hi kan thin (liver) tthiam tthiam asi.

 

Kan thin a ngandamnak ding ahcun mah thil phun (5) hna hi rak tuah hmanh. A zungzal in na thin cu a ngan a dam zungzal ko lai.

1. Zuu Ding Hlah

zuu ding lo hi thin caah cun a ttha bikmi lam pakhat asi. Zuu din nak nihhin thin thautuam zawtnak le thin caar zawtnak hna hi a chuah ter khawh hna. Thin caar zawtnak timi cu kan thin kha a hma i a hnu ah hmape bantuk a taang tawn. Mahcun thin rianttuannak kha duhsah in a zor lengmang i a donghnak ahcun kan thin nih rian a ttuan kho ti lo. Ding loin na um khawh lo asiahcun zarhkhat ah ni (2) chungtal ding lobak in um.

 

2. I Thau Ter Tuk Hlah

Thau tuk nak nihin thin hi a hrawh khawh ve. Kan thau tuk asiahcun kan thin kha thau nih a tuam i mahnak in thin zawtnak a chuah ter khawh. Na tai i thau a tam le na paw a puar deuh cang asiahcun naa ralrin a hau cang.

3. Eidin Ah Kan I Ralrin A Hau

Thin caah a tthami ti le rawl kan eipiak a hau ve. Kan thin caah a ttha bikmi pawl ti le rawl hna cu Kawpi, kawpi hring, mitsur,tbk hna hi an si. Cu pinah fibers det a tammi theitlai pawl zongnih tampi a bawmh ve.

4. Thin Phin Zawtnak ( Hepatitis B,C)

Thin phin zawtnak ah ttiah a nung bikmi hna cu Hepatitis B le C hna hi an si. Mah zawtnak hin kan i ralrin i kan i khamh a hau. Mah zawtnak hi lam tampi in i chawnh khawh asi. Eg: Kan cil le kan thi tbk in i chawnh khawh an si. A donghnak ahcun thin cancer tiang zong in a chuak kho.

 

5. Na Thinlung Dam Ter

Lungre theih tuk le khuaruah tuk nak in thin zawtnak hi a chuak kho ve. Na lungre theih a zornak dingah yokka tuah cun Pathian sinah thla cam. Lungre theih damnak siitha bik an si.

 

error: Content is protected !!