Press "Enter" to skip to content

India Ram Ah Vok Ttauhkuai (H1N1 Flu or Swine Flu) Zawtnak In Minung (650) Leng An Thi Cang

India ram ahcun vok ttauhkuai H1N1 Flu (or) Swine Flu timi zawtnak in a thimi hi duhsah in an karh chin lengmang tiah theih asi.

Kum 2019 hramthawk in tutiang ahhin vok ttauhkuai H1N1 virus ruangah a thimi hi minung (650) leng an si cang.

Mah bantuk zawtnak a tamdeuh nak hmun hi India ram chak le thlang lei ahhin asi i mipi zong lungre thei in an um hna.

India ramchung vialte ahcun mah zawtnak aa chawnmi zat hi minung (1200) hrawng an si cang.

 

Myanmar ramchung zongah kum 2017 lio ahkhan cun mah bantuk zawtnak thawngpang hi a rak leng ngai nain a hnu ahcun a dai tthan. Tutiang ahcun vok ttauhkuai H1N1 Flu hi kan kawlram ahcun um dawh asi rih rua lo.

Asinain kan i ralrin cu a hau. Abik in H1N1 flu kakuaisii (vaccine) kan i chunh a hau. Cun voksa ei zong kan i sum deuh a hau lai.

Ttihnung tukmi zawtnak asi caah kan ngandamnak hi a biapi ah chia hna usih.

Source : India Time

error: Content is protected !!