Press "Enter" to skip to content

Olympic Skate Zuamnak Ah Vawlei Cung Hngakchia Bik Sky Brown Ai Zuam Ve Lai

Kum (11) lawng asi rihmi skate mintami hi Skate Board nih an cohlan mi vialte lakah a hngakchia bik asi rih. 2020, Japan ram i an tuah dingmi Olympic Puaipi ah ai zuam ding asi caah biatak ai zuam cuahmah lio a si.

 

A min ah hin Sky Brown ti asi. A pa hi British asi i anu tu hi cu Japan asi ve. Nike nih an rak pekmi sianginn kainak scolarship a rak ngah lio zongah hin kum (8) lawng asi i a hngakchia bik a rak si thiam thiam.

2016 ah an rak tuahmi US Open Pro skate cit zuamnak zongah a mah nak sang le ngan pipi cu a teidih hna i pakhatnak laksawng zong a rak hmuh. Mah hnu cun skate leiah biatak tein amin a hung thang i media kip ah a laar.Cu hnu zongah Singapore, Sweden tbk,. ram zuamnak kip ah laksawng a hmuh zungzal.

Olympic ai zuamtik ahhin Japan ram aiawh in luh ai tim nain ahnu ahcun a lung ai let tthan i British ai awh tuin luh tthan aa tim. Skate cit an i zuam tik ah hin phun (2) in tthen asi, phun khat cu park asi i a dang phunkhat cu street in asi. A nih Sky Brown hi Park ib ai zuam lai. Cu lawng siloin UK nih pekmi Sport lei in bawmhnak zong a hmuh rih lai.

 

error: Content is protected !!