Press "Enter" to skip to content

Brandon (The Truth) Vera Nihcun Aung La Nsang Teinak Kuat Ka Hmuh Cang Tiah A Ti

Philippines Figher Heavy Weight Champion a simi Brandon (The truth) Vera nihhin Aung La Nsang bantuk fighter he iphomh dinghi a zenh tuk ko nain, Champions taisawmh duh tukah a singkhawh nak a si. Cun Brandon Vera nihcun Aung La Nsang tei khawhnak ding kuat pawl a hmuhnak zong a chim ve.

 

Brandon Vera le Aung La Nsang hna hi an coach zong aa khat, cun an hawikom le zong an i khatt hna. Cu pinah Brandon Vera hi Aung La Nsang idol pakhat a rak si ve. Cu caahcun hawikom ttha taktak an rak si. Cu kong he pehtlaiin Brandon Vera nihcun “, Light Heavyweight champions hi Aung La Nsang si hlawh sehlaw cu, zeitik caan hmanh ah Aung La Nsang hi zuamcawh in kan iphomh lai lo” tiah a ti.

” Light Heavyweight champions vawlei cung a tthawngbik a su caah hi bantuk puai a hung umnak hi a si.

 

 

A mah bantuk fighter he hin iphomh hi ka duh lo. Asinain a tulio Champions a si ve caah hrial awk a ttha ve ti lo. Dawtnak he- huatnak he kan i phomh cang ko lai” tiah Brandon Vera nihcun a chim.

Aung La Nsang hi a hnubik puai (5) aa phomh ah teinak fawi tein a hmu zungzal. Cu kong pehthlaiin Brandon Vera nihcun Aung La Nsang he iphomh tikah palhnak pakhat te hmang tuah lo a hauh nak kong a chim tthan rih.

 

Brandon Vera nihcun “, Aung La Nsang cu sports leiah a tling bakmi a si. Cikhat te ahhin a chungah khuavaang ngeimi bantuk a si i, ttih zong a nung kho taktak. Ring chung a hung luh hin cun, hnu lei pil buin i tthuatt a hmang lo.

Puaikhat hnu puai khat in a hung tthangcho thluahmah. Aa tthuat ningcang zong ttih a nung thluahmah fawn. Kei kaa phomhmi chungah Aung La Nsang bantuk hi cu an um rih lo. Van chim deuh ahcun a nih cu ring thinlung a ngeimi a si. Cu pinah Myanmar rammi hrimhrim nih an dirpi tuk fawn” tiah Aung La Nsang kong he pehtlaiin a chim.

 

 

“Aung La Nsang zongnih ka derthawmnak a kawl i, kei zongnih teinak kuat ka hmuh ve cang. Asinain ka chim rih lai lo. Aung La Nsang cu a technique hmangin a rak luhchih¬† asiahcun, a hlan i Aung La Nsang kha a si ti lo. Thil ttha lo a langhter canglai timi hi theih ding asi. Cu caahcun iralrin taktak a hau” tiah Brandon nihcun a chim rih.

 

” Puaikip ahhin knock-out in mi a tei lengmang mi ka si lo nain,a tutan puai cu round (5) tiang ka phanh ter lai lo. A donghnak i judges pawl biakhiahnak tuah zong hngah ka zuam lo. Ka tei zong tei lo zongah round (5) tlinhlan hrimhrim ah a phi chuak seh” tiah Brandon nihcun a chim.

Cu pinah Brandon Vera nihcun “,Hi bantuk sui taisawmh i cuhnak nawl hi a ho paoh noh ngah khawh a si lo. Hi bantukin Champions taisawmh pahnih icuh khawhnak ding ka hngah hi kum (15) a rau cang” tiah a pehchap rih.

Brandon (the truth) Vera le Aung La Nsang (Burmese phyton) hna cu a ra laimi October (13) ahhin Japan khualipi Tokyo ah MMA: One Championship Light Heavyweight Taisawmh pi cu an i cuh cang lai.

 

error: Content is available