Press "Enter" to skip to content

Ballon d’Or, Champions League Ngahnak Ding Le C.Ronaldo He Zaanriah I Hrawm Ttinak Kong Cu Messi Nih A Chim

Barcelona forward a simi Lionel Messi nihcun SPORT he interview ah Ballon d’Or kong, Champions League ah champion ngahnak ding kong le Cristiano Ronaldo he zaanriah i hrawm ttinak kong cu a rak phuan ve.

 

“Ballon d’Or laksawng pi hi cu a mk taktakmi a si. Nai ahkhan cun Club zohin a thiammi an pek hna. Cu zong cu zohchia tuk cu a si lem lo. A caancaan ahcun World Cup zoh in an pek caan zong a um fawn. Biatak chim ahcun, kei zongnih ka thei bak ve lo. Hi hi zeibantuk indah an zoh lai i an pek hna lai timi hi kai fiang ve lo.

“Ballon d’Or laksawng caah hin an thim chungmi chungah hin keimah hi no.1 nak ka si le si lo a biapi lo. Ka rak chim tawn bangin keimah caah laksawng timi hi cu bawlung ahhin cun number (2) nak lawng a si” tiah Ballon d’Or laksawng kong he pehtlai in Lionel Messi nihcun a chim.

 

Champions League ah champion ngah dingin Laliga champion hi na kaltak hau seh law zeitin??? timi biahal nak ahcun Messi nihcun “, Bawlung season a van i thawk hin cun zeibantuk laksawng paohpaoh hi hmuh dih kan duh cio.

 

Cu ruangah cun a hopaoh kan i zuam cio lai timi hi kan chim lengmang mi a si. Keicu zeibantuk champions paoh hi ngah dih ka duh. A biapi bikin cun keicu Champions League laksawng hi co ka duh. Zeiruang ah tiahcun, champions kan rak laknak kha a caan a sau pah cang.

 

” A tu hi cu season thok ka telawng a si rih. Cu caahcun biatak tein izuam ahcun a pahnih ning in hmuh khawh a si. Keicu a pahnih ning bakin Champions lak ka duh ko” tiah Messi nihcun a chim.

UEFA kumkhat chung a thiam bikmi laksawng peknak puai ah C.Ronaldo nihcun ” Messi he zaanriah i hrawm tti hi ka duh” tiah a rak chim.

 

Cu kong he pehtlaiin Lionel Messi nihcun bialehnak a rak tuah ve. ” A ttha ko, mah kong he pehtlaiin zeibantuk harnak hmanh a um lo. A mah he i hmuh thiam lonak zeihmanh kan ngei lo ti zong ka chim lengmang cang. Asinain thil i thlennak room a hmang ttimi kan si lo caah, hawikom ttha si cu a fawi lai lo.

 

Asinain Laksawng peknak puai ahhin kan i hmu lengmang. Show puai zongah bia sausau kan i ruah tti tawn. Hmunkhat ah zaanriah kan ei tti laimaw timi cu fiang tein ka chim kho lo.

A lam te ah a kal ve i, keimah lam te ah ka kal ve. Kan pahnih ningin kan duhmi le tuah kan i timhmi a um veve. Asinain a fiang ko, zaanriah i hrawm tti dingin a ka sawm mi cu ka cohlan ko lai” tiah Lionel Messi nihcun a chim.

Crs: sports Myanmar

 

error: Content is available