Press "Enter" to skip to content

Tahchunh Awk Ttha Lomi Nang Le Kei

Kei nih cun ka lung a tluan caan longah ka minung hawi ka dawt khawh hna. Nang nih cun a zungzal in na dawt hna, duh nung lo bikmi keimah hmanh.

 

Ka thang a ka chiattu minung pohpoh cu an bia kaa cinken i lehrulh dingin an sual ka bawh. Nang nih cun a sualmi minung vialte na kan dawt. Kan sualnak lehrulh chim lo zungzal nunnak na Kan pek, a sual bikmi keimah hmanh.

 

Kei cu nangmah caa chim loin keimah caa hmanah zumhtlak ka si kho lo. Nang cu nangmah caa chim loin zumh awk a tlak lo bikmi keimah caa hmanhah zumh awk na tlak peng.

 

Ka nun in tuanbia aa dawh mi te ttial ka duh nain ka duhmi ka tawn tikah minchiatnak tuanbia tu ka ttial ttheo. Nang vial cu leicung na nun chungah ttuanbia aa dawhmi le a ttha tuk mi longte na ttial, keimah zong tuanbia dawh ttial hi na ka duh piak ve.

 

Kei cu kan thinlung an fahter caan ah ka vuivai i ka huat hna, kei ka thinlung fah cu ka siang lo nain midang thinlung tu cu fak tukin ka fahter tawn. Nang tu cu na lungthin an fahtertu minung caah ngeihchianak, harnak le fahnak phuntlang zong na in i na nunnak tiang na pek.

 

Kei cu bianeek/aam kaakhat te hmanh ka ing kho lo. Nang vial cu bia chiakhaa vialte na in dih i na tuar lo ding le na in lo ding zong tuar dih. Keimah na ka dawttuk caah a rak si.(bianeek te hmanh ka in khawh lo cun ka nun in Pathian sunparnak a lang kho bal la lo)

 

Kei nih cun ka duhmi a tlinnak kawhnak ding caah thla ka cam tawn. Nang nih cun na duhmi si loin na pa duhmi tlinnak ding caah thla na cam. Ka duh/herh mi si loin na duhmi tu kan hal ve cang la.

 

Biakilh: Kanmah caa i caan pek cu lenglei in cikhat caa diriamnak long an si, Jesuh caa i caan pek cu chunglei in zungzal diriamnak si.

Credit: Aung Aung Lungler Fb

error: Content is available