Press "Enter" to skip to content

Tattoo He A Khatmi Siibawi Nu Te

Austrilia rammi Sarah Gray kum(30) cu ruhlei siibawi sang (osteologist) siding in aa zuam cuahmah lio asi. A nih hi siibawi dang he an i lawh lo nak cu Sarah hi cu a takcung ah tattoo lawngte a khat ko.

 

Kum (16) a rak silio ahhin tattoo hi a rak uar tuk i mah hnucun biatak tein tattoo hi rak i suai. Zei bantuk ram tthangcho hmanh nih tattoo hi cu cohlan asi rih lo.Sarah zong hi dawr kip ah siseh leng chuahnak ah siseh ningzahnak a tong lengmang cang.

Branded pawl ahhin dawrhngak pawl nih a tattoo ruangah chawnh duh lo le komh duh lo in an rak um tawn. Asinain Sarah tu nihcun a lakka in dollar 1000 ka hman lonak asi ko tiin lungawi tein a um ko.

Voikhat cu a pasal he restaurent sangnak pakhat ah rawlei an i tim tthan i cu ahcun manager pa nih kan dawr ah tattoo he minung cu cohlan an si lo tian a rak ti hna i an kir tthan. Sarah cu hi bantuk thil a tonmi hi zeihmanh ah a ruat lo i a mah hmailei kong ca lawngah khua bia tak tein a ruatmi asi.

Ardrossan Area University ah doctor bawih a ngahmi asi i hi hnu zongah ruh lei professor tiang sikho dingin ai zuam cuahmah. A tattoo ruangah hin siibawi kai ka ngah lai loh ti a rak phang tuk nain a kai kho. Cu bantuk cun a dih hnu zongah rian kongah a thin a rak phang thiamthiam. Asinain rian zong ttha tein a ngah cheukhat minung nihcun an iar ngaingai.

 

error: Content is protected !!