Press "Enter" to skip to content

Roman Catholic Khrihfami Hna Khuaruahhar In A Tuah Hna

Roman Catholic Khrihfabu khualipi Vatican Christmas thingkung nih Catholic Khrihfami hna khuaruahhar in a tuah dih hna. Christmas lai paoh ah cun dawh taktak in St. Peter Square vialte an tamh dih i, aa dawh kho tuk tawn.

Asinain tu kum ahcun aa dawhnak lawng an hmuh i, Khrihfami hna hmelchunhnak pakhat hmanh an hmu ti hna lo. Roman Catholic Khrihfami hna lawng si loin vawleicung Khrihfami hna zong khuaruahhar in a tuah dih hna. Zeidah a cang an ti dih cang.

Vatican Christmas thingkung ah ‘vancung mi hna lem a um ti lo, bawhte Jesuh a rak zohmi nichuah mifim hna lem a um ti lo, Mary lem a um ti lo. Dainak hmelchunnak pakhat le vawleicung hmelchunnak lawng a um cang tiah Dr. Robert Moynihan nih a chim.

Thingkung cungah biaknak hmelchunhnak pakhat hmanh a um ti lo. Khrihfami hna hmelchunhnak zong a um ti lo’ tiah a chim chih. Rome Khrihfami hna zong an lau cang i, Catholic nun pawl zong an khuaruahhar dih.

‘Hi thingkung nih zeidah a kan hmuhsak duhmi a si hnga’ tiah an chim len. ‘Pope nih hi bantuk thil hi thluachuahnak a pek duhmi a si hnga maw” tiah a chim chih. Thingkung hi Poland nih Vatincan laksawng an pekmi hna a si. Khrihfabu leiin fianternak a um rih lo. Ref: TOI.

error: Content is protected !!