Press "Enter" to skip to content

Hngakchia Nute Ca A Zoh Le Zoh Lo Hngak Tu Ah Uico Rian Pek A Si

China ram ahcun hngakchia nute hi cazoh a duh lo i phone rumro a tuai. Cu caahcun a pa nih a fanu ca a zoh ke zoh lo hngaktu ding ah manpek hau lomi uico cu gate hngaktu ah a hman.

 

Guizhou state, Guiyang i a ummi inchungkhar pawl nihcun uico an zuatmi hi anmah inchungkhar bantuk in an zohkhenh tawn hna. Mah hna innchungkhar i an fanu te hi hawidang hngakchia bantuk in cazoh hi a duh bak ve lo i phone rumro hi a tuai ve ko.

A pa nih a umpi tawn i a chuahtak bak ahcun phone a tuai cawlh ko.Cu caah a homework hi a dih bal lo.

 

A pa zongcu a pawng ahcun a umpeng khawh lo caah Gate saya hlan aa tim ko nain gate saya te zong cu hngakchia nute pawng zong ahcun umpeng awk a tthat lo pinah phaisa tamtuk a dih ding asi faw.

 

Cu ruangah cun a pa nih phundang in idea a chuah. A pa nihcun uico te zoh ding in aa timtuah. Uico te hi a hmet lio tein zuatmi asi i chimmi le an tuahtermi vialte hi mah uico te nihhin a theih dih.

2016 in an rak zuat cangmi asi i kum(3) hnu ahcun a fim ngaimi uico te ah ai chuah.

 

Mah uico te cu a pa nihcun a fanu vengding ah fim a chimh tthan i an i ruahnak nakin uico te nihcun a thiam ai fawih tuk. A pa nihcun a fanu te ca a zoh le zoh lo a hngahter ahhin hmantlak bantuk khin cabuai cungah a kee pahnih a chiah i nute cu mit tthep lo bakin a zoh. Ca a zoh lo i phone hna a tuai asi ahcun mah uico te cu a bo cawlh asi lole a pa sinah a va kal i theihternak a tuah cawlh fawn.

 

Mah uico te nihhin mah rian hi biatak te bak in a tuah i an innchungkhar dihlak bak in an khuaruah a har dih ve. Cu pinah a dang uico te zong an cawnpiak tthan i an pahnih bak in hngakchia nute cu an hngah i home work a dih hlan lo a cawl zong a cawl kho ti lo.

ref: newsflare,

 

 

error: Content is available