Press "Enter" to skip to content

Dawt Mi Kan Ngaituk Nain Kan Ngam Ti Lo

Khuate pakhat ah Lian Lian le Parku an um. An hngakchiat lio in Lian Lian nih Parku cu a duh, An kum 17 hrong in duhdawtnak lam an zul tti. Kum caan sau nawn a liam hnu ah Lian Lian nih Parku cu kan tthit lai tiah a ti.

 

Parku nih nang le kei cu aa tthium kho ding kan si lo, kan sining aa dangtuk tiah a leh. A nolh tthan mi cu nang nih na co tawk cu sifak, cataang ngei lo le nuhmei fa btk khi na tthit hna awk a si a ti i Lian Lian cu chim awk thei loin a thinlung a ttap. Parku nih Lian Lian a duh lonak aruang cu an khua ah Yangon in sianginn a dih kaa mi mirum chungkhar a ra tlung i khi pa nih khiin a ka duh lai i kan i umh tikah ka nuam tuk la ti a ruat. Parku nih hin dawtnak nakin nuamhnak a rak i thim deuh, Parku duhthiamnnak raungah Lian Lian mithli tlaknak aa thawk!

 

 

Lian Lian cu a lungfah tuk caah sianginn a kianak ah ca fak piin a zuam, tei a rial sianginn a dih tikah min tthatnak he buaih a la kho ve. Parku he an i tthen hnu, kum 5 hnu ah a rak tlung. Khua a um lio i sifak fa tiah an rak nek tukmi Lian Lian cu a muisam zong aa thleng ngai i nungak zong nih an mit in an ven ngai cun an khua chungah upat tuk mi mifel le minung ah a cang.

 

 

Lain Lian cu khua a dawttuk caah an khua ah rian a thawk colh. A rian cu Pathian nih thluachuahnak a pek piak i an khua chungah phaisa hmu bik ah a cang, rian ttuantu zong a dawttuk hna caah mi tampi asinah rain an ttuan, Parku a darling zong cu Lian Lian sinah rian a ttuan ve.

 

 

Nikhat cu Parku nih kan pa hi chun zongah rawl hlam ah a rak ttin bal lo, zeiruangah dah si hnga tiah an pa rain ttuannak ah a va kal. kan pa cikhat te ton ka duh caah a ngah hnga maw tiah a hal hna. Aww a ngah ko Lian Lian khaan chungah a nih cu a ttuan ko kha inkaa hei king law va lut ko an ti.

 

 

Parku nih Lian Lian timi min a theih tikah khua a ruat a hodah a si hnga aw a ti. parku nih a theih lonak a raung cu Lian Lian tlun hlan ah parku hi Ygn ummi a pa le chungkhat rian raungah kum 3 chung a umpi hna cu karah an pa hi nupi 2 a rak ngei nain Parku nulepa nih Parku cu a tlun bakin an pa an kawh i hmunkhat ah an umter tthan hna. A tlunnak hi nikhat le zaan hnih long si rih.

 

 

Parku nih inkaa cu a hun kingh i an pa nih cun inkaa cu a rak hun nain cikhat a ti i inkaa cu a khaar tthan colh. Parku pasal nih cun ka darling ra le cikhat te a va tong kho ta hnga maw tiah Lian Lian cu nawl a hal. Lian Lian nih nan nu cu rak luhpi law ka khaan ah hin bia rak i ruah uh! kei cikhat ph ka chawn ta lai a ti i inkaa dang in Lian Lian nih a chuahtak.

 

 

Parku cu a lut i an pa nih cun an boss tthatnak kong a rak chimh. Kan boss nih a duh dingmi nu hi cu an vantha tuk lai. A nih cu a nun ttha, nun a siang, midang a dawtuk cun a kut tang mi nung kan sin zong ah aa tangdor kho a ti. Parku nih aww na vantha tuk cu teh cu btk miung sin hna i rain na hmu cu a ti. An pa nih pakhat belte kan boss hi a nunnak ah a nuam lomi a lo, hi tluk mirum, cathiam le muidawh hi i nuam peng ding a si ko nain zeitin hme si hnga a ti.

 

 

Parku nih nan boss cu a min hodah si a ti? An pa nih aaa… kan mah khua mi Lian Lian kha hme teh zoh hmanh a cumputer ah a hngakchiat lio hmanthlak a taar ko hi a ti. parku nih a vun zoh cu a lautuk a mang le a cang a si aa faing kho lo. Parku nih cun neih deuh in a vun zoh i Lian Lian si ko, hmundang a vun zoh tthan hna i Lian Lian buahihlaknak hmanthlak dawh dawh pawl le ngeihchia ngai in hman aa thlak mi pawl cu a vun hmuh hna i a nun niha tuar kho hrim lo nain a ttap ngam lo.

 

 

Lian Lian cabuai cu a vun neih deuh i hmanthlak aa thlekmi a hmuh. Cu hmanthlak cu Lian Lian nih Parku nih nang le kei cu kan si kho loh a ti hnu ah Lian Lian nih zaangfahnak tein hman kan i tlhak tti mi te hi philhlonak ro ah na ka pe kho hnga maw tiah Parku cu a rak hal i parku nih hmunkhat te an dirnak hmanthlak cu a tlheh zau i Lian Lian a cuannak te long cu a rak pek. Cu hmanthlak cu Lian Lian nih aa chiah peng i a cabuai ah a chiah.

 

 

Ruah lopi ah Lian Lian cu a rak lut i Parku pasal Duhkheng cu “Ka u nupawl tampi hi dawtnak nakin i nuamhnak an kawl deuh timi hi ahman na ti maw? tiah a hal” Abia a dih hlan ah Lian Lian le Parku cu an mit aa tong i Parku cu chimawk zong thei loin lung sivaang in Lian Lian zungkhaan chungah a a caan a hmang. 

 

 

Lian Lian nih ka u na darling cu aa style bak hi a vun ti lio ah khin  inkaa an vun kingh hi Duhkheng nupi hlun Cer Tial nih Parku pasal cu tutan na lahkhah cu nan kan pek hau facang cawknak zong kan nei ti loh a vun ti. Duhkheng cu Lain Lian zungkhaan i cu btk thil a can a ning zak tuk i cikhatte muh a ti i a nupi hlun cu lengah a kal pi.

 

 

Parku le Lian Lian cu ruah lo piin zungkhaan chungah tthaal tikang hngah bang Parku pasal an hngak. Ruahlo piin Lian Lian nih Parku tiah aw nem tein in Parku min cu kum 5 hnu ah a vun khawh tthan. Parku nih Lian Lian cu a aww (thaw) in a let kho ti lo i, a mitthli in … zeitin Lian Lian tiah a vun zoh. 

 

 

Lian Lian nih “Parku minung cu dawttnak hi zoh ding a si. Dawtnak nih cun tei khawh lomi a ngei lo, minug hi a leng long in zoh ding a si lo a chungah mit nih hmuh khawh leng in tthawnnak a um. Fahnak le ngeigchiatnak na ka pek mi cungah ka lawm tuk, Kan ngai peng rih nain kan ngai ngam ti lo” tiah a ti.

 

 

Parku nih Lian Lian ka ngaithiam tiah ttah buin a nawl i Lian Lian nih kan ngeihthiam dih ko aruang cu kan dawt cemmi na si caah na thimmi na dawt he nuam tein lengtti zungzal ko uh tiah a ti.

Ca Tialtu – Aung Aung Lungler

 

 

 

error: Content is protected !!