Press "Enter" to skip to content

An Nu nih A Pasal Laksawng A Pekmi Hi Khuaruah Har A Si

Nu asi zongah Pasal le an si zongah pakhat le pakhat dawtnak an neih, a herhnak ah lung nuam tein i bomhchanh ahcun a nuammi innchungkhar ah a cang tawn. Hi bantuk in a nuammi innchungkhar cu japan pa pakhat Heroto nihcun aa neih diam ko. 2017 lio ahkhan Nupi a nei i nai te ahkhan fanu dawh te cu a DL nih a hrinpiak.

 

Mah hmantlak hi Heroto i a fanu te cu asi. Innchung khar ah fanu pakhat a rak i chap tthan tik ahcun heroto timi pa cu a rian kha ai zuam chin lengmang. Pa sinak kha a theih tikah rian kha biatak tein a hung ttuan cang. Innchung khar caah rian aa zuamtuk caah i dinhnak caan zong a nei lo timi kha a DL nihcun a vun theih.

 

Nikhat cu an Nu nih ca a kuat, a cakuat bawm leng ahcun ” Lunglomh nak he..” tiin a ttial.A chung ahcun japan tangka thawng(20) a um pin ah ca a rak ttialmi te a rak um. A ca ttial mi cu ;

Nangmah caah laksawng : Ni (1) i dinhnak nawl

  • Zei ni le caan poh nai thim khawh. Bia na khiah tik tuah theihternak rak ka tuah te.
  • Phaisa kha na duhnak poh ah na hman khawh.( game i celh, tilio nak zong kal ko, Lengah na duhmi poh na eikhawh, zuu zong na duhcun ding ko)
  • Inn ttin na duh tikpoh ah na ttin kho.( Na tlaituk lo poh cun a ngah ko)
  • Mah ni cu Inn rian zei rian hmanh na ttuan lai lo.

Mah hihi Pa pakhat sinak in zuam bu tein nifatin te rian na ttuan caah laksawng kan pekmi asi. A zungzal caah kai lawm.Tiin ca cu a ttial.

 

A cakuat cu a rel dihcun ai nuam tuk a duh tuk hringhran. A twitter ah “Kan nu, kan nu caah kai lawm tuk” tiin a ttial pin ah hmantlak taar buin ” Nikhat i dinhnak nawl a ka pekmi cu nuam taktak in ka hman cang” tiah a taar chih.

 

Phaisa nak in ca a ttialmi kha a mak deuh. Pakhat le pakhat zeitluk in dah an i dawt timi a langhter.

Nu ttha le Pa ttha aa neihmi innchung khar cu an i nuam zungzal ko lai. Nu a tthami thinlung put hi cu zeihmanh nih tluk awk a ttha lo.

ref: SM

error: Content is protected !!